ເກີດເຫດລົດນໍ້າມັນລະເບີດຢູ່ຊີຣີ ເສຍຊີວິດ 46 ຄົນ

  ວັນທີ 29 ເມສາທີ່ຜ່ານມາເກີດເຫດລະເບີດລົດບັນທຸກນໍ້າມັນຢູ່ຊີຣີ ສົ່ງຜົນເຮັດໃຫ້ມີຜູ້ເສຍຊີວິດ 46 ຄົນ ແລະບາດເຈັບຈຳນວນຫຼາຍ.

 ຕາມຂ່າວຕ່າງປະເທດລາຍງານວ່າໄດ້ເກີດເຫດລະເບີດລົດບັນທຸກນໍ້າກາງຕະຫຼາດແຫ່ງໜຶ່ງໃນເມືອງອາຟຣິນຂອງຊີຣີຊຶ່ງເປັນໄລຍະທີ່ປະຊາຊົນອອກມາໃຊ້ຈ່າຍຊື້ເຄື່ອງຂອງສົ່ງຜົນເຮັດໃຫ້ມີຜູ້ເສຍຊີວິດ 46 ຄົນ ໃນຈຳນວນນີ້ມີພວກຕໍ່ຕ້ານຊີຣີລວມຢູ່ນໍາຢ່າງໜ້ອຍ 6 ຄົນ ແລະມີຜູ້ໄດ້ຮັບບາດເຈັບຕື່ມອີກ 50 ຄົນ ບາງຄົນອາການສາ ຫັດ ແລະເຊື່ອວ່າຍອດຜູ້ເສຍຊີວິດໜ້າຈະເພີ່ມຂຶ້ນຕື່ມອີກ, ເບື້ອງຕົ້ນຍັງບໍ່ມີກຸ່ມໃດອອກມາອ້າງຄວາມຮັບຜິດຊອບໃນການກໍ່ເຫດດັ່ງກ່າວ.

 ທັງນີ້ການກໍ່ເຫດດັ່ງກ່າວນັບເປັນເຫດລະເບີດຄັ້ງໃຫຍ່ສຸດໃນເມືອງອາຟຣິນນັບຕັ້ງແຕ່ກອງທັບຕວັກກີ ແລະກຸ່ມຕໍ່ຕ້ານພັນທະມິດບຸກເຂົ້າຢຶດພື້ນທີ່ຈາກກຸ່ມກຳລັງຊາວເຄິດໃນປີ 2018.

--------

ໜັງສືພິມເສດຖະກິດ-ສັງຄົມ

• 04/05/2020