ທົ່ວໂລກເສຍຊີວິດຍ້ອນເຊື້ອໂຄວິດຫຼາຍກວ່າ 2 ແສນຄົນ

ໄລ່ຮອດຕອນເຊົ້າວັນທີ 29 ເມສາ, ທົ່ວໂລກໄດ້ຢັ້ງຢືນມີຜູ້ເສຍ ຊີວິດຍ້ອນໂລກລະບາດໂຄວິດ -19 ເກືອບ 217.000 ຄົນແລ້ວ ໃນຍອດຈໍານວນຜູ້ຕິດເຊື້ອທັງໝົດ 3,1 ລ້ານກວ່າຄົນ, ໂລກລະບາດດັ່ງ ກ່າວໄດ້ແຜ່ລະບາດອອກສູ່ 210 ປະເທດ ແລະເຂດແຄວ້ນໃນໂລກ.

  ຕາມຂ່າວສານຫວຽດນາມ ລາຍງານວ່າ ປະເທດທີ່ເກີດໂລກລະບາດຮ້າຍແຮງທີ່ສຸດໃນໂລກ ຍັງແມ່ນອາເມລິກາ ມີຜູ້ຕິດເຊື້ອຫຼາຍກວ່າ 1 ລ້ານກໍລະນີ, ໃນນັ້ນມີຫຼາຍກວ່າ 58.300 ຄົນ ເສຍຊີ ວິດ. ຢູ່ແອັດສະປາຍ ກໍ່ໄດ້ລາຍງານ ໂດຍໃຫ້ຮູ້ວ່າຈໍານວນຜູ້ເສຍຊີວິດ ຍ້ອນໂລກລະບາດດັ່ງກ່າວໄດ້ເພີ່ມ ຂຶ້ນກວ່າ 232 ພັນກໍລະນີແລ້ວ. ອີຕາລີກໍຢັ້ງຢືນມີຜູ້ຕິດເຊື້ອພະຍາດໃໝ່ຕື່ມອີກກວ່າ 2.000 ກໍລະນີ, ຊຶ່ງເພີ່ມຂຶ້ນກວ່າ 1.700 ກໍລະນີ ເມື່ອທຽບໃສ່ 1 ວັນກ່ອນໜ້ານັ້ນ. ປັດຈຸບັນ, ແອັດ ສະປາຍ ແມ່ນປະເທດຢືນອັນດັບທີ 3 ກ່ຽວກັບຈໍານວນຜູ້ຕິດເຊື້ອ ແລະຢືນອັນດັບທີ 2 ໃນທົ່ວໂລກກ່ຽວກັບຈໍານວນຜູ້ເສຍຊີວິດ. ຝຣັ່ງຊຶ່ງເປັນປະເທດເກີດໂລກລະບາດຮ້າຍ ແຮງອັນດັບ ທີ 4 ໃນໂລກ ໄດ້ຢັ້ງຢຶຶນວ່າ ປະເທດ ນີ້ມີຜູ້ຕິດເຊື້ອໃໝ່ຕື່ມອີກກວ່າ2.600 ຄົນ ແລະເສຍຊີວິດ367 ຄົນ ເມື່ອທຽບໃສ່ໜຶ່ງວັນກ່ອນໜ້ານັ້ນ, ສ່ວນຢູ່ທະວີບອາຊີ, ອີຣານສືບຕໍ່ ແມ່ນປະເທດເກີດໂລກລະບາດຫຼາຍທີ່ສຸດດ້ວຍຍອດຈໍານວນຜູ້ຕິດເຊື້ອກວ່າ 92.500 ຄົນ. ໃນຂະນະນັ້ນ, ສປ ຈີນ ກໍລາຍງານວ່າມີຜູ້ຕິດເຊື້ອໃໝ່ຕື່ມອີກ 22 ຄົນ.

  ຢູ່ພາກພື້ນອາຊີຕາເວັນອອກ ສ່ຽງໃຕ້ ໄດ້ຢັ້ງຢືນວ່າມີຈໍານວນຜູ້ຕິດເຊື້ອໂຄວິດ-19 ທັງໝົດແມ່ນ ເກືອບ 42.000 ຄົນ, ໃນນັ້ນ, ສິງກະໂປ ແມ່ນປະເທດມີຈໍານວນຜູ້ຕິດເຊື້ອຫຼາຍທີ່ສຸດໃນພາກພື້ນ, ຖັດມາແມ່ນອິນໂດເນເຊຍ ແລະຟີລິບປິນຕາມລໍາດັບ. ຕີມໍຕາເວັນອອກ ແລະ ສປປ ລາວ ສືບຕໍ່ແມ່ນສອງປະເທດທີ່ຖືກຜົນສະທ້ອນຈາກໂລກລະບາດໂຄວິດ -19 ໜ້ອຍທີ່ສຸດ. ໃນນັ້ນ, ສສ ຫວຽດນາມ, ກໍາປູເຈຍ, ຕີມໍຕາເວັນອອກ ແລະລາວຍັງບໍ່ພົບກໍລະນີເສຍຊີວິດຈັກຄົນເທື່ອ.

------

ໜັງສືພິມເສດຖະກິດ-ສັງຄົມ

 

แชร์