ເມືອງເຊບັ້ງໄຟ ສືບຕໍ່ຈັດຕັ້ງປະຕິບັດການປ້ອງກັນພະຍາດໂຄວິດ-19

  ທ່ານ ທອງໄຊ ມັງໝໍ່ເມກ ເລຂາພັກເມືອງເຈົ້າເມືອງໆເຊບັ້ງໄຟທັງເປັນຫົວໜ້າຄະນະສະເພາະກິດເພື່ອປ້ອງກັນຄວບຄຸມ ແລະແກ້ໄຂພະຍາດອັກເສບປອດໄດ້ໃຫ້ສຳ ພາດຕໍ່ສື່ມວນຊົນຂອງແຂວງໃຫ້ຮູ້ກ່ຽວກັບແຜນການປະຕິບັດໄລຍະ II ແຕ່ວັນທີ 20 ເມສາ ຫາ 3 ພຶດສະພາ 2020ໂດຍໄດ້ມອບໃຫ້ຄະນະພັກສືບຕໍ່ລົງເຄື່ອນໄຫວຊີ້ນຳໆພາບັນດາບ້ານ, ກຸມບ້ານ, ເອົາໃຈໃສ່ຕິດຕາມກວດກາຄົນ ເຂົ້າ-ອອກບ້ານໃຫ້ເຂັ້ມງວດ, ພ້ອມທັງໄດ້ກະກຽມ ແລະກຳນົດເອົາໂຮງຮຽນປະຖົມສົມບູນຂົວເຊເປັນສະຖານທີ່ບ່ອນແຍກປ່ຽວຊົ່ວ ຄາວຂອງເມືອງ, ລວມມີ 6 ຫ້ອງ, 4 ຫ້ອງນອນ, ມີ 8 ຕຽງ, ເພື່ອຮອງຮັບຖ້າເກີດບັນຫາກໍ່ຈະໄດ້ເອົາສະຖານທີ່ດັ່ງກ່າວເປັນບ່ອນເຮັດ ວຽກຂອງທີມງານແພດ-ໝໍ, ຕໍ່ກັບຄວາມຕ້ອງການຈາກຂັ້ນເທິງທາງເມືອງກໍ່ຍັງມີຂໍ້ຫຍຸ້ງຍາກຢູ່ເປັນຕົ້ນເຄື່ອງມືທາງການແພດ, ລົດຂົນສົ່ງຄົນເຈັບ (ປະຈຸບັນຢູ່ເມືອງເຊບັ້ງໄຟຍັງບໍ່ມີ).

  ສ່ວນວຽກງານປ້ອງກັນຄວບຄຸມ ແລະສະກັດກັ້ນພະຍາດອັກ ເສບປອດໃນໄລຍະທີ I ເລີ່ມແຕ່ ວັນທີ 25 ມີນາ ຫາວັນທີ 19 ເມສາ 2020 ທົ່ວເມືອງມີ 9 ກຸ່ມບ້ານ 45 ສູນ, ມີຈຳນວນຄົນເຂົ້າຮ່ວມທັງໝົດ 829 ຄົນ, ຍິງ 378 ຄົນ, ໃນນີ້ກໍ່ໄດ້ມີຄະນະແພດ-ໝໍ ຕິດຕາມກວດກາເປັນປະຈຳ, ແຕ່ລະສູນແມ່ນໄດ້ປະກອບສ່ວນມອບຜ້າອັດປາກ, ເຈວລ້າາງມືອື່ນໆ ທີ່ໄດ້ຮັບການປະກອບສ່ວນອຸປະຖຳຈາກບັນດາການຈັດຕັ້ງພັກ-ລັດ, ຜູ້ປະກອບທຸລະກິດໃນທົ່ວສັງຄົມສະເພາະເມືອງເຊບັ້ງ ໄດ້ຮັບການ ຊ່ວຍເຫືລອເປັນວັດຖຸຕ່າງໆ ລວມ ມູນຄ່າທັງໝົດ 70 ລ້ານກວ່າກີບ. ມາຮອດປະຈຸບັນແມ່ນໄດ້ປິດສູນ ແລ້ວ ແລະບໍ່ພົບຜູ້ທີ່ຕິດເຊຶ້ອ.

----------

ໜັງສືພິມເສດຸະກິດ-ສັງຄົມ

แชร์