ຄະນະສິລະປະກອນກອງທັບກຳປູເຈຍ ສະແດງມິດຕະພາບຢູ່ແຂວງອຸດົມໄຊ

ເມື່ອວັນທີ 3 ກຸມພາ 2019, ທ່ານ ພົນຕີ ເມົາພອນລາ ຫົວໜ້າຄະນະສິລະປະກອນກອງທັບແຫ່ງຣາຊະອານາຈັກກໍາປູເຈຍ ພ້ອມດ້ວຍຄະນະນັກສະແດງໄດ້ເຄື່ອນໄຫວຢ້ຽມຢາມ ແລະສະແດງມິດຕະພາບເນື່ອງໃນໂອກາດວັນສ້າງ ຕັ້ງກອງທັບປະຊາຊົນລາວ ຄົບຮອບ 70 ປີ ຢູ່ແຂວງອຸດົມໄຊໂດຍໃຫ້ກຽດເຂົ້າຮ່ວມຮັບຊົມຂອງສະຫາຍ ຄຳພັນ ເຜີຍຍະວົງ ເຈົ້າແຂວງໆອຸດົມໄຊ, ສະຫາຍ ພົນຈັດຕະວາ ຈັນທະວອນ ໄຊຍະຜົງ ຫົວໜ້າການທະຫານກອງບັນຊາການທະຫານແຂວງອຸດົມໄຊ, ພ້ອມດ້ວຍແຂກຖືກຮັບເຊີນຈາກຄະນະນຳແຂວງ, ປກສ ແຂວງ ແລະປະຊາຊົນພາຍໃນເທສະບານແຂວງເຂົ້າຮ່ວມຮັບຊົມ.

  ລາຍການສະແດງມີທັງໝົດ 17 ລາຍການຄື: ບົດເພງປະກອບບົດຟ້ອນລວມໝູ່ນໍ້າໃຈກອງທັບຣາຊະອານາຈັກກຳປູເຈຍ, ບົດຟ້ອນອັບສະຣາ, ບົດເພງຄູ່ຍິງ-ຊາຍຊື່ນໃຈ, ບົດເພງດ່ຽວຍິງຈຳປາເມືອງລາວ, ບົດເພງຮ້ອງຄູ່ພົບຮັກເມື່ອຍາມຄໍ່າຄືນ, ບົດຟ້ອນແມງມ້າ, ບົດເພງໂອ້ພຣະນົມເປັນເອີຍ, ບົດເພງເຢັນສະບາຍຊາວນາ, ບົດເພງສະຫວັນເມືອງລາວ, ບົດຟ້ອນຕີກຣາບ, ບົດເພງຮົ່ມຕົ້ນຕານກຣັງໂຢວ, ບົດເພງລວມໝູ່ຊົມເຊີຍກອງທັບປະຊາຊົນລາວຄົບຮອ ບ 70 ປີ, ບົດເພງປາກເຊແດນງາມ, ບົດເພງຊື່ລາວດັງກ້ອງ, ບົດເພງຄູ່ຍິງ-ຊາຍໂນເອີຍຍິງໂນ, ບົດເພງຊຽງຂວາງແຫ່ງຄວາມຫຼັງ, ບົດຟ້ອນທຸງມິດຕະ ພາບ, ບົດເພງບຸບຜາວຽງຈັນ, ບົດເພງຄວາມຮັກແພງກອງ ທັບກຳປູເຈຍ-ລາວອຳມະຕະ ແລະບົດເພງລວມໝູ່ຍິງ-ຊາຍຊົມເຊີຍສາຍພົວພັນກຳປູເຈຍ-ລາວໝັ້ນຄົງຕະຫຼອດໄປ.

ການສະແດງລາຍການມິດຕະພາບຂອງຄະນະສິລະປະກອນກອງທັບແຫ່ງຣາຊະນາຈັກກໍາປູເຈຍ ຢູ່ແຂວງອຸດົມໄຊໃນຄັ້ງນີ້ຊຶ່ງເປັນເຫດການທີ່ມີຄວາມໝາຍຄວາມ ສໍາຄັນ, ປະກອບສ່ວນຮັດແໜ້ນສາຍພົວພັນມິດຕະພາບ ແລະການຮ່ວມມືລະຫວ່າງສອງຊາດ, ສອງກອງທັບລາວ-ກໍາປູເຈຍໃຫ້ຂະຫຍາຍຕົວດີຂຶ້ນ, ພ້ອມກັນນັ້ນກໍຍັງເປັນການປະກອບສ່ວນອັນສຳຄັນເຂົ້າໃນການສ້າງບັນຍາກາດຟົດຟື້ນມ່ວນຊື່ນໃຫ້ແກ່ພະນັກງານ-ນັກຮົບໃນກອງທັບ ແລະປະຊາຊົນລາວບັນດາເຜົ່າໃນໂອກາດຈັດຕັ້ງສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 70 ປີ ທັງເປັນການແລກປ່ຽນບົດຮຽນທາງດ້ານສິລະປະ, ວັດທະນະທໍາເຊິ່ງກັນ ແລະກັນ ລະຫວ່າງລາວ-ກຳປູເຈຍ ອີກດ້ວຍ.

แชร์