ຊ້ວງໂຄວິດລະບາດຟູດແພນດ້າມີລູກຄ້າເພີ່ມ 80%

 ອອບໍລິສັດ ເດລີເວີຣີ ລາວ ຈຳກັດ ຫຼືເປັນທີ່ຮູ້ຈັກຂອງຟູດແພນດ້າເປັນບໍລິສັດໃຫ້ບໍລິການຮັບ-ສົ່ງອາຫາທີ່ລູກຄ້າຕ້ອງການຊຶ່ງຫາກໍ່ເປີດບໍລິການມາພຽງ 7 ເດືອນຖືວ່າລູກຄ້າໃຫ້ຄວາມຕອບຮັບເປັນຢ່າງດີໃນການບໍລິການສະອາດປອດໄພທັນໃຈ ແລະຕົກໃນຊ້ວງວີກິດໂຄວິດ-19 ເຮັດໃຫ້ທຸກຄົນກັກໂຕຢູ່ບ້ານບໍ່ສາມາດອອກໄປຊອກຫາກິນຕາມປົກກະຕິໄດ້ເຮັດໃຫ້ການສັ່ງຈອງຍອດອໍເດີເພີ່ມຂຶ້ນຈາກ 30% ມາເປັນ 80%.

  ເມື່ອບໍ່ດົນມານີ້ ທ່ານນາງ ທັນຍາລັດ ຈະເລີນສຸກ ຜູ້ອຳນວຍການບໍລິສັດເດລີເວີຣີ ລາວ ຈຳກັດ ເປີດໃຈໃຫ້ສຳພາດນັກຂ່າວໜັງສືພີມເສດຖະກິດ-ສັງຄົມໃຫ້ຮູ້ວ່າ: ບໍລິ ສັດ ເດລີເວີຣີ ລາວ ຈຳກັດ ໂດຍມີບໍລິສັດແມ່ຢູ່ເຢຍລະມັນ ແລະໄດ້ມາເປີດບໍລິການຢູ່ລາວປີ 2019 ມາປະຈຸບັນໄດ້7 ເດືອນໂດຍຈຸດປະສົງເປົ້າໝາຍເບິ່ງເຫັນໂອກາດດ້ານການບໍລິການສົ່ງອາຫານທີ່ເນັ້ນກຸ່ມຄົນພະນັກງານທີ່ມີເວລາໜ້ອຍບໍມີເວລາໄປຊື້ອາຫານເອງ ແລະບວກປະຈຸບັນເຕັກໂນໂລຊີທີ່ເຮັດໃຫ້ມີການສັ່ງຊື້ສະດວກສະບາຍບໍລິການດີຂຶ້ນໃຫ້ບໍລິການໃໝ່ເປົ້າໝາຍໃຫ້ບໍລິການດີທົ່ວເຖິງນັບແຕ່ການເປີດບໍລິການເປັນຕົ້ນມາຖືວ່າສັງຄົມແມ່ນໃຫ້ຄວາມສົນໃຈ ແລະໃຊ້ບໍລິການເພີ່ມຂຶ້ນໂດຍທາງບໍລິ ສັດບໍລິການສົ່ງອາຫານທຸກປະເພດທີ່ລູກຄ້າຕ້ອງການ.

  ຕົກຊ້ວງເກີດວິກິດໂຄວິດ-19 ນັບແຕ່ເດືອນມັງກອນມາທາງບໍລິສັດໂດຍນັບແຕ່ບໍລິສັດແມ່ຕ່າງປະເທດໃຫ້ທາງພະນັກລວມທຸກສາຂາໃຫ້ມີວິທີ່ປ້ອງກັນທຸກຢ່າງໂດຍເຈວລາງມື, ຜ້າປິດປາກ, ຂ້າເຊື້ອເຮັດຮ່ວມກັບຮ້ານອາຫານ ແລະຜູ້ທີ່ໃຊ້ບໍລິການ ໂດຍການສົ່ງແມ່ນຈະຫຼີກເວັ້ນການສຳພັດຖືວ່າທາງບໍລິສັດແມ່ນກະກຽມຮອບດ້ານ.

ແຕ່ໄລຍະໂຄວິດ-19 ລະບາດມານີ້ເຮັດໃຫ້ຄວາມຕ້ອງການໃຊ້ບລິການລູກຄ້າເພີ່ມຂຶ້ນສູງເຖິງ 80% ທາງບໍລິສັດເປີດສາຂາພ້ອມມີພະນະງານບໍລິການຢູ່ນະຄອນຫຼວງວຽງຈັນ ແລະປາກເຊມີພະນັກງານສົ່ງບໍລິການມີທັງໝົດ 500 ຄົນການບໍລິການແມ່ນເປີດເເຕ່ 7 ໂມງເຊົ້າ ຫາ 23: 00 ໂມງ.

 ໄລຍະການແຜ່ລະບາດທາງບໍລິສັດດີໃຈເປັນຕົວຊ່ວຍໜຶ່ງທີ່ໃຫ້ບໍລິການສັງຄົມທາງບໍລິສັດຢືນຢັນພ້ອມປະຕິບັດທຸກຄຳສັ່ງຂອງພັກ-ລັດ ແລະເນັ້ນການບໍລິການໃຫ້ຖືກໃຈສະອາດພ້ອມໃຊ້ໃຈການບໍລິການໄດ້ມາດຖານ.

  ບໍລິສັດ ເດລີເວີຣີ ລາວ ຈຳກັດ ຕັ້ງຢູ່ຕະຫຼາດທົ່ງຂັນຄຳຖະໜົນອາຊຽນ ເມືອງຈັນທະບູລີ ນະຄອນຫຼວງວຽງຈັນ.

---------------

ຂຽນໂດຍ: ບຸນນິກ  

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์