ການແຜ່ລະບາດຂອງເຊື້ອໂຄວິດ ຍັງບໍ່ທັນສິ້ນສຸດເທື່ອ

 ອົງການອະນາໄມໂລກ (WHO) ລະບຸວ່າການແຜ່ລະບາດໃຫຍ່ຂອງພະຍາດໂຄວິດ-19 ຍັງບໍ່ທັນສິ້ນສຸດເທື່ອເຕືອນໃຫ້ປະເທດຕ່າງໆ ຈົ່ງຊອກຫາຜູ້ຕິດເຊື້ອເພີ່ມຕື່ມ.

   ຕາມຂ່າວ Cri ລາຍງານວ່າ ທ່ານ ເທໂດຼສ ຜູ້ອຳນວຍການໃຫຍ່ອົງການອະນາໄມໂລກໄດ້ກ່າວໃນກອງປະຊຸມ ຖະແຫຼງຂ່າວທີ່ໄດ້ຈັດຂຶ້ນໃນວັນທີ 27 ເມສານີ້ວ່າ: ຄຽງຄູ່ກັບຜູ້ຖືກບົ່ງມະຕິ ເປັນພະຍາດໂຄວິດ-19 ທີ່ເພີ່ມຂຶ້ນໃໝ່ ຢູ່ເອີຣົບໄດ້ຫຼຸດໜ້ອຍລົງ, ປະເທດຈຳນວນໜຶ່ງໄດ້ໂຍະຍານມາດຕະການປິດ ເມືອງ, ແຕ່ອົງການອະນາໄມໂລກໄດ້ ສືບຕໍ່ເຕືອນໃຫ້ປະເທດຕ່າງໆຈົ່ງຊອກຫາ, ກັກບໍລິເວນ, ກວດຫາເຊື້ອ ແລະປິ່ນປົວຜູ້ເປັນພະຍາດ, ການແຜ່ລະບາດໃຫຍ່ຂອງພະຍາດນີ້ຍັງບໍ່ທັນສິ້ນສຸດເທື່ອ.ທ່ານ ເທໂດຼສ ກ່າວວ່າ: ອົງການອະນາໄມໂລກຈະສືບຕໍ່ໃຫ້ການຊ່ວຍເຫຼືອດ້ານເຕັກນິກແກ່ປະເທດເຫຼົ່ານີ້ ແລະຈະໃຫ້ການສະໜັບສະໜູນດ້ານອຸປະກອນທາງ ການແພດແກ່ປະເທດເຫຼົ່ານີ້ໂດຍຜ່ານຈາກໂຄງການ “ຖ້ຽວບິນສາມັກຄີ”.

 ໃນໜຶ່ງອາທິດຜ່ານມາ, ອົງການອະນາໄມໂລກໄດ້ໃຫ້ການສະໜັບສະໜູນດ້ານອຸປະກອນການແພດໃຫ້ແກ່ 40 ກວ່າປະເທດອາຟຣິກາ ກໍຄືນັບແຕ່ເວລາເກີດສະພາບພະຍາດເປັນຕົ້ນມາ, ອົງການອະນາໄມໂລກໄດ້ຂົນສົ່ງອຸປະກອນປ້ອງກັນພະຍາດຫຼາຍລ້ານຊຸດໄປໃຫ້ 105 ປະເທດ ແລະເຂດແຄວ້ນ, ສົ່ງອຸປະກອນທີ່ໃຊ້ໃນຫ້ອງທົດ ລອງໄປ ໃຫ້ 127 ປະເທດ ແລະເຂດແຄ້ວນ.

-------

ໜັງສືພິມເສດຖະກິດ-ສັງຄົມ

• 30/04/2020