ເສດຖະກິດຍີ່ປຸ່ນ-ສິງກະໂປ ຫຼຸດລົງຢ່າງໜັກ

 ມູດີ້ ລະບຸໃນວັນທີ 28 ເມສາ ທີ່ຜ່ານມາວ່າເສດຖະກິດຂອງຍີ່ປຸ່່ນ ແລະສິງກະໂປຫຼຸດລົງຢ່າງໜັກທີ່ສຸດຈາກການລະບາດຂອງເຊື້ອພະຍາດໂຄວິດ-19

 ຕາມຂ່າວຕ່າງປະເທດລາຍ ງານວ່າ ສະຕີບ ໂຄຊະຣາເນ ຫົວໜ້ານັກວິເຄາະຈາກມູດີ້ ໜ່ວຍງານ ຈັດອັນດັບຄວາມໜ້າເຊື່ອຖືຊັ້ນນໍາ ຂອງໂລກລະບຸວ່າ ການແຜ່ລະບາດ ຂອງເຊື້ອພະຍາດໂຄວິດ-19 ຈະເຮັດໃຫ້ເສດຖະກິດຍີ່ປຸ່ນ ແລະສິງ ກະໂປຫຼຸດລົງສູ່ລະດັບຕໍ່າສຸດເມື່ອ ທຽບກັບປະເທດອື່ນໆໃນພາກພື້ນ ດຽວກັນ, ເຫດຜົນສ່ວນໜຶ່ງເປັນ ເພາະເສດຖະກິດຂອງສອງປະເທດຢູ່ໃນຖານະຫຼຸດລົງຕັ້ງແຕ່ກ່ອນ ເກີດການລະບາດຂອງເຊື້ອໂຄ ວິດ-19 ແລະມີການໃຊ້ມາດຕະການປິດເມືອງເພື່ອສະກັກກັ້ນການແຜ່ລະບາດຂອງເຊື້ອໂຄວິດ-19 ຈຶ່ງເທົ່າກັບຊໍ້າເຕີມເສດຖະກິດຂອງ 2 ປະເທດນີ້, ວັນທີ 27 ເມສາ ທີ່ຜ່ານມາທະນາຄານກາງຍີ່ປຸ່ນ (ບີໂອເຈ) ເປີດເຜີຍລາຍງານທ່າອຽງເສດຖະກິດ ແລະເງີນເຟີ້ພາຍ ຫຼັງກອງປະຊຸມນະໂຍບາຍການ ເງີນວ່າ ບີໂອເຈ ໄດ້ປັບຫຼຸດການຄາດຄະເນທ່າອຽງເສດຖະກິດໃນປີງົບປະມານ 2020 ລົງສູ່ລະດັບ -3% ເຖິງ -5% ຈາກທີ່ເຄີຍຄາດຄະເນໄວ້ໃນເດືອນມັງກອນວ່າ ເສດຖະກິດຈະຫຍາຍຕົວ 0,9%.

 ນອກຈາກນີ້ ບີໂອເຈ ຍັງເປີດ ເຜີຍລາຍງານທ່າອຽງເງີນເຟີ້ໃນ ໄລຍະ 3 ປີຈົນເຖິງປີ 2022 ໂດຍ ຄາດວ່າ ອັດຕາເງິນເຟີ້ຂອງຍີ່ປຸ່ນ ຈະຍັງຢູ່ໃນລະດັບຕໍ່າກວ່າເປົ້າໝາຍທີ່ ບີໂອເຈກຳນົດໄວ້ທີ່ 2% ຊຶ່ງ ບີໂອເຈ ຄາດຄະເນວ່າດັດຊະນີຜູ້ບໍລິໂພກ (ຊີພີໄອ)ຈະຫຼຸດລົງສູ່ ລະດັບ -0,3% ເຖິງ -0,7%.

-------

ໜັງສືພິມເສດຖະກິດ-ສັງຄົມ

แชร์