ຫວຽດນາມສົ່ງອອກຜະລິດຕະພັນກະສິກຳຫຼຸດລົງ 17%

  ວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າຂອງ ສສ ຫວຽດ ນາມ ຫຼຸດລົງເກືອບ 17% ໃນ 4 ເດືອນຕົ້ນປີ 2020 ສປ ຈີນ ຍັງຄົງແມ່ນຕະຫຼາດທີ່ກວມເອົາອັດຕາສ່ວນຫຼາຍທີ່ສຸດດ້ວຍວົງເງິນສົ່ງອອກບັນລຸເກືອບ 2,8 ຕື້ໂດລາສະຫະລັດ.

  ຕາມຂ່າວສານຫວຽດນາມລາຍງານວ່າກະຊວງກະສິກໍາ ແລະພັດທະນາຊົນນະບົດຫວຽດນາມໃຫ້ຮູ້ວ່າວົງເງິນນໍາເຂົ້າ-ສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າຂອງ 4 ເດືອນຕົ້ນປີ 2020 ຄາດວ່າບັນລຸກວ່າ 21,1 ຕື້ໂດລາ; ໃນນັ້ນ, ວົງເງິນສົ່ງອອກບັນລຸເກືອບ 12,9 ຕື້ໂດລາ. ກ່ຽວກັບຕະຫຼາດສົ່ງອອກ, ຈີນຍັງຄົງແມ່ນຕະຫຼາດທີ່ກວມເອົາອັດຕາສ່ວນຫຼາຍທີ່ສຸດດ້ວຍວົງເງິນສົ່ງອອກບັນລຸເກືອບ 2,8 ຕື້ໂດລາ; ຖັດມາແມ່ນຕະຫຼາດເອເມລິກາ ແລະສະຫະພາບເອີຣົບ.

  ການສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນໍ້າໄປຍັງບາງປະເທດຍັງມີການເຕີບໂຕເລັກໜ້ອຍເຊັ່ນ: ຍີ່ປຸ່ນບັນລຸເກືອບ 1,1 ຕື້ໂດລາເພີ່ມຂຶ້ນເກືອບ 3%; ອາຊຽນບັນ ລຸເກືອບ 1,3 ຕື້ໂດລາ ເພີ່ມຂຶ້ນຫຼາຍກວ່າ 7%.

------

ໜັງສືພິມເສດຖະກິດ-ສັງຄົມ

แชร์