ກຸ່ມບໍລິສັດມາລີນີ ຫຼຸດຄ່າຜ່ານຂົວເມືອງເກົ່າ-ປາກກະຍຸງ ຊ້ວງໂຄວິດ-19

  ທ່ານ ຄຳວົງ ໄຊປັນຍາ ຮອງປະທານໃຫ້ສຳພາດສື່ມ່ວນຊົນວ່າ: ກຸ່ມບໍລິສັດມາລີນີ ຈຳກັດ ໜຶ່ງຫົວໜ່ວຍທຸລະກິດເບິ່ງເຫັນຄວາມສຳຄັນປະຊາຊົນຜູ້ໃຊ້ລົດໃຊ້ຖະໜົນ ໃນຊ້ວງວິດກິດໂຄວິດ-19 ໂດຍສະເພາະຜູ້ທີ່ບໍລິການຜ່ານຂົວນໍ້າງື່ມມາລີນີ, ເຂດເມືອງເກົ່າ, ບ້ານປາກກະຍຸງເມືອງວຽງຄຳແຂວງວຽງຈັນແມ່ນຈະໄດ້ຫຼຸດຄ່າໃຊ້ຈ່າຍຈາກປົກກະຕິ.

  ການປະຕິບັດນະໂຍບາຍຫຼຸດຜ່ອນຄ່າບໍລິການຜ່ານຂົວດັ່ງກ່າວ, ກໍເພື່ອເປັນການປະກອບສ່ວນຊ່ວຍເຫຼືອສັງຄົມໃນການຫຼຸດຜ່ອນຜົນກະທົບທາງດ້ານເສດຖະກິດຂອງປະຊາຊົນຜູ້ທີ່ສັນຈອນໄປ-ມາ ໃຫ້ມີລາຍຈ່າຍໜ້ອຍລົງໃນຍາມວິກິດ ແລະນອກຈາກການຫຼຸດຄ່າບໍລິການຜ່ານຂົວແລ້ວບໍລິສັດຍັງໄດ້ເອົາໃຈໃສ່ໃນການປະຕິບັດຕາມຄຳສັ່ງເລກທີ 06/ນຍ ວ່າດ້ວຍການເພີ່ມທະວີການປ້ອງກັນ,ສະກັດກັ້ນ ແລະຄວບຄຸມການແຜ່ລະບາດຂອງພະຍາດໂຄວິດ-19 ໂດຍໄດ້ປະຕິບັດຕາມການແນນນຳຂອງແພດເປັນຢ່າງດີ, ໃຫ້ ພະນັກງານໃສ່ຜ້າອັດປາກ-ດັງ, ໝັ່ນລ້າງມືດ້ວຍເຈວ ແລະໄດ້ສີດຢາຂ້າເຊື້ອເປັນປະຈຳ.

  ທ່ານ ຄຳວົງ ໄຊປັນຍາ ຍັງໃຫ້ຮູ້ອີກວ່າ: ກຸ່ມບໍລິສັດມາລີນີ ຈຳກັດ ປະກອບມີທຸລະກິດຫຼາຍຂະແໜງການເປັນຕົ້ນກໍ່ສ້າງຂົວທາງ-ເຄຫາ-ຊົນລະປະທານ, ໂຮງງານຄອນກຣີດສຳເລັດຮູບ, ໂຮງງານ ປຸ໋ຍຊີວະພາບກາ 5 ດາວ, ໂຮງຮຽນປະ ຖົມ, ມັດທະຍົມສົມບູນ, ໂຄງການສຳປະ ທານບໍລິການຂົວຂ້າມນໍ້າງື່ມ, ໂຄງການສຳປະທານ ແລະບໍລິການຫ້ອງນອນຄົນ ເຈັບຢູ່ໂຮງໝໍມິດຕະພາບ ແລະໂຄງການ ສຳປະທານສະຖານທີ່ທ່ອງທ່ຽວບ້ານ ເກີນ ແລະໄລຍະການລະບາດຂອງພະ ຍາດໂຄວິດ-19 ນີ້,

ກຸ່ມບໍລິສັດຂອງພວກເຮົາກໍໄດ້ປະຕິບັດຕາມຄຳສັ່ງເລກທີ 06/ນຍ ແລະຂໍ້ຕົກລົງຂອງນາຍົກລັດຖະມົນຕີເລກທີ 31/ນຍ ວ່າດ້ວຍການກຳນົດນະໂຍບາຍ ແລະມາດຕະການເພື່ອຫຼຸດຜ່ອນຜົນກະທົບຈາກການລະ ບາດຂອງພະຍາດໂຄວິດ-19 ຕໍ່ເສດຖະກິດຂອງລາວຢ່າງເຂັ້ມງວດໂດຍໄດ້ມີການແຕ່ງຕັ້ງພະນັກງານຜັດປ່ຽນກັນມາປະຈຳ ການເພື່ອຫຼຸດຜ່ອນຄວາມແອອັດ ແລະປະຕິບັດການເບີກຈ່າຍເງິນເດືອນໃຫ້ພະນັກງານປົກກະຕິ. ແຕ່ສຳລັບພະນັກງານຄູ-ອາຈານທີ່ໄດ້ໂຈະການຮຽນ-ການສອນແມ່ນໄດ້ເບີກຈ່າຍເງິນເດືອນໃຫ້ 50% ຂອງເງິນເດືອນພື້ນຖານ ແລະອື່ນໆ.

___________

ຂຽນໂດຍ:  ບຸນນິກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์