ແຂວງວຽງຈັນຮັບເງິນ ແລະອຸປະກອນຕ້ານໂຄວິດ-19

 ໃນວັນທີ 27 ເມສານີ້ ທີ່ຫ້ອງວ່າການປົກຄອງແຂວງວຽງຈັນ ທ່ານ ດູ ເວັນລ່ຽງ (DUWENLIANG) ຕາງໜ້າບໍລິສັດທີ່ປຶກສາດ້ານການລົງທຶນ ແລະກໍ່ສ້າງເຂື່ອນໄຟຟ້າ ຈຳກັດ ໄດ້ມອບເງິນຈຳນວນ 100 ລ້ານກີບ ແລະຜ້າອັດປາກມູນຄ່າ 50 ລ້ານກີບ ໃຫ້ແກ່ແຂວງວຽງຈັນເພື່ອນຳໃຊເຂົ້າໃນວຽກງານຕ້ານສະກັດກັ້ນ ແລະຄວບ ຄຸມການລະບາດຂອງພະຍາດໂຄວິດ 19 ໂດຍໃຫ້ກຽດຮັບຂອງ ທ່ານ ບຸນສອນ ເພັດລາວັນ ຮອງເຈົ້າແຂວງໆວຽງຈັນ ຄະນະສະເພາະກິດຂັ້ນແຂວງໃນໂອກາດນີ້ທ່ານຮອງເຈົ້າແຂວງກໍ່ໄດ້ກ່າວສະແດງຄວາມຂອບໃຈມາຍັງບໍລິສັດດັ່ງກ່າວທີ່ໄດ້ເຫັນຄວາມສຳຄັນໃນການປະກອບສ່ວນວັດຖຸແລະປັດໄຈເຂົ້າໃນວຽກງານຕ້ານ ແລະສະກັດກັ້ນການລະບາດຂອງພະຍາດອັກເສບປອດທີ່ເກີດຈາກເຊື້ອຈຸລາໂລກສາຍ ພັນໃໝ່ໂຄວິດ-19 ຢູ່ພາຍໃນແຂວງວຽງຈັນ ຊຶ່ງການຊ່ວຍເຫຼືອດັ່ງກ່າວແມ່ນຈະໄດ້ນຳໄປມອບໃຫ້ບັນດາໂຮງໝໍ, ສູກສາລາ ແລະພາກສ່ວນຕ່າງໆໃຫ້ທົ່ວເຖິງ.

____________

ໜັງສືພິມເສດຖະກິດ-ສັງຄົມ

แชร์