ຍອດຜູ້ຕິດເຊື້ອໂຄວິດສິງກະໂປແຊງໜ້າຍີ່ປຸ່ນ

ສີງກະໂປເປີດເຜີຍຈຳນວນຜູ້ຕິດເຊື້ອພະຍາດໂຄວິດ-19 ລາຍໃໝ່ເພີ່ມຂຶ້ນເກືອບ 1 ພັນຄົນ ສົ່ງຜົນເຮັດ ໃຫ້ມີຜູ້ຕິດເຊື້ອທັງໝົດ 13.624 ຄົນ ແຊງໜ້າຍີ່ປຸ່ນ.

 ຕາມຂ່າວຕ່າງປປະເທດລາຍງານວ່າ ສິງກະໂປເປັນປະເທດໜຶ່ງທີ່ມີປະຊາກອນໜ້ອຍທີ່ສຸດໃນອາຊີ ແຕ່ກຳ ລັງປະເຊີນກັບການແຜ່ລະບາດຂອງເຊື້ອພະຍາດໂຄວິດ-19 ສູງທີ່ສຸດໃນພາກພື້ນອາຊີ ຖ້າປຽບທຽບກັບອັດຕາສ່ວນປະຊາກອນປະເທດ,ກະຊວງສາທາລະນາສຸກສິງກະໂປລາຍງານວ່າ ພົບຜູ້ຕິດເຊື້ອພະຍາດໂຄວິດ-19 ເພີ່ມຂຶ້ນ 931 ຄົນ ໂດຍເຮັດໃຫ້ມີີຜູ້ຕິດເຊື້ອທັງໝົດ 13.624 ຄົນ ຊຶ່ງຄົນເຈັບລາຍໃໝ່ຈຳນວນຫຼາຍມີຄວາມກ່ຽວຂ້ອງກັບຫໍພັັກແຮງງານຕ່າງປະເທດ ຊຶ່ງສ່ວນໃຫຍ່ເປັນແຮງງານຊາຍຈາກກຸ່ມປະເທດອາຊຽນທີ່ມາເຮັດວຽກ ເພື່ອຫາລາຍໄດ້ສົ່່ງກັບໄປຍັງຄອບຄົວ ໂດຍຄົນເຈັບລາຍໃໝ່ສ່ວນໃຫຍ່ຖືກກັກຕົວຢູ່ສະຖານທີ່ກັກກັນຂອງ ລັດຖະບານແລ້ວຂະນະທີ່ມີຄົນເຈັບຢູ່ລະຫວ່າງການປິ່ນປົວຢູ່ໂຮງໝໍຫຼາຍກວ່າ 1.300 ຄົນ ສ່ວນຍອດຜູ້ເສຍຊີ ວິດຢູ່ທີ່ 12 ຄົນ.

 ເວັບໄຊ ໄດ້ລາຍງາຍວ່າ ສິງກະໂປມີຄົນເຈັບຕິດເຊື້ອໂຄວິດ-19 ຈຳນວນ 13.624 ຄົນ ເສຍຊີວິດ 12 ຄົນ ແຊງໜ້າຍີ່ປຸ່ນຊຶ່ງມີຄົນເຈັບຕິດເຊື້ອໂຄວິດຈຳນວນ 13.441 ຄົນ ເສຍຊີວິດ 372 ຄົນ ຂະນະທີ່ ສ.ເກົາຫຼີ ມີຜູ້ ຕິດເຊື້ອ 10.738 ຄົນ ເສຍຊີວິດ 243 ຄົນ.

-----

ໜັງສືພິມເສດຖະກິດ-ສັງຄົມ

 

แชร์