ຈີນຈະເພີ່ມເງິນຊຸກຍູ້ເສດຖະກິດ 56 ຕື້ຢວນ

           ທະນາຄານກາງ ສປ ຈີນ ຈະເພີ່ມບ້ວງເງິນ ເພື່ອຊຸກຍູ້ເສດຖະກີດດ້ວຍມູນຄ່າ 56 ຕື້ຢວນ ເພື່ອເສີມສະພາບຄ່ອງຂອງລະບົບການເງິນ.

  ຕາມຂ່າວຕ່າງປະເທດລາຍງານວ່າເມື່ອບໍ່ດົນມານີ້, ທະນາຄານກາງຈີນປະກາດວ່າໄດ້ຫຼຸດຜ່ອນອັດຕາດອກເບ້ຍໂຄງການເງິນກູ້ຢືມໄລຍະກາງແບບກຳນົດກຸ່ມເປົ້າໝາຍ (TMLF) ຫຼຸດລົງ 0,20% ຈາກລະດັບ 3,15% ສູ່ລະດັບ 2,95%, ນອກຈາກນີ້ ທະນາຄານກາງ ຈີນ ຍັງໄດ້ລະບຸກຽມເພີ່ມບ້ວງເງິນຜ່ານໂຄງການນີ້ປະມານ 56,1 ຕື້ຢວນ, ໂຄງການນີ້ມີໄລຍະເວລາກຳນົດ 1 ປີ ເປັນອີກໜຶ່ງຊ່ອງທາງການເສີມສະພາບຄ່ອງຂອງລະບົບການເງິນໂດຍມີການນຳໃຊ້ເມື່ອເດືອນທັນວາປີ 2018 ຄຽງຄູ່ກັບໂຄງການເງິນກູ້ໄລຍະກາງ MLF.

 ທາງທະນາຄານກາງຈີນໄດ້ຫຼຸດອັດຕາດອກເບ້ຍລົງສອງຄັ້ງໃນປີນີ້ ຊຶ່ງມີລະດັບຕໍ່າສຸດເປັນປະຫວັດການຢູ່ທ່ີ 2,95% ເພື່ອກະຕຸ້ນເສດຖະກິດຈາກການແຜ່ລະບາດຂອງໄວຣັດໂຄວິດ-19.

----

ໜັງສືພິມເສດຖະກິດ-ສັງຄົມ

แชร์