ອາກຊັງຕິນ ຖອນຕົວອອກຈາກການເຈລະຈາເອຟທີເອ

  ລັດຖະບານ ອາກຊັງຕິນ ຈະຖອນຕົວອອກຈາກບັນດາການ ເຈລະຈາກ່ຽວກັບສັນຍາການຄ້າ ເສລີ (FTA) ຂອງກຸ່ມການຕະຫຼາດລວມອາເມລິກາໃຕ້.

  ຕາມຂ່າວສານຫວຽດນາມ ລາຍງານວ່າລັດຖະບານອາກຊັງ ຕິນໄດ້ຖະແຫຼງວ່າຈະຖອນຕົວອອກຈາກບັນດາການເຈລະຈາກ່ຽວກັບສັນຍາການຄ້າເສລີ (FTA) ຂອງກຸ່ມການຕະຫຼາດ ລວມອາເມລິກາໃຕ້ (Mercos ur) ຊຶ່ງປະເທດນີ້ແມ່ນສະມາຊິກທາງການກັບບັນດາຄູ່ຮ່ວມມື ຢູ່ນອກພາກພື້ນເພື່ອແນໃສ່ສຸມ ໃສ່ຮັບມືກັບໂລກລະບາດໂຄວິດ–19 ໃນແຈ້ງການທາງການ, ກະຊວງ ການຕ່າງປະເທດອາກຊັງ ຕິນໃຫ້ຮູ້ວ່າ: ບູລິມະສິດຂອງລັດຖະບານປະເທດນີ້ແມ່ນສຸມໃສ່ແກ້ ໄຂບັນດາຜົນຮ້າຍຢ້ອນຫຼັງຂອງ ໂລກລະບາດ, ປົກປັກຮັກສາບັນດາວິສາຫະກິດ, ຮັກສາວຽກເຮັດ ງານທຳ ແລະໜູນຊ່ວຍບັນດາ ຄອບຄົວທີ່ປະສົບກັບຄວາມຫຍຸ້ງຍາກໃນສັງຄົມ.

  ມີປະຕິກິລິຍາຕໍ່ຂ່າວສານດັ່ງກ່າວ,ລັດຖະບານປາຣາກວາຍ ຊຶ່ງປະຈຸບັນພວມເປັນປະທານໝູນວຽນ Mercosur ໃຫ້ຮູ້ວ່າ:ຈະພ້ອມກັບບັນດາປະເທດສະມາຊິກທີ່ຍັງເຫຼືອພິຈາລະນາບັນດາມາດຕະການທາງດ້ານນິຕິກຳ, ລະບອບລະບຽບການ ແລະແທດເໝາະກັບຄວາມຈິງທີ່ສຸດໃຫ້ແກ່ການຖອນຕົວຂອງອາກຊັງຕິນເພື່ອບໍ່ໃຫ້ເກີດຜົນສະທ້ອນເຖິງວິວັດທະນາການສ້າງ Mercosur ແລະບັນດາການເຈລະຈາ FTA ຊຶ່ງພວມຢູ່ໃນວິວັດການຜັນຂະຫຍາຍ.

-------

ໜັງສືພິມເສດຖະກິດ-ສັງຄົມ

แชร์