ໄທ ແກ່ຍາວສະພາວະສຸກເສີນຕື່ມອີກ 1 ເດືອນ

 ລັດຖະບານປະເທດໄທໄດ້ຕັດສິນໃຈແກ່ຍາວຄຳສັ່ງສະພາວະສຸກເສີນຕື່ມອີກ 1 ເດືອນ ເພື່ອແນໃສ່ຮັບປະກັນຄວບຄຸມສະພາບການ ການແຜ່ລະບາດຂອງເຊື້ອພະຍາດໂຄວິດ-19.

  ຕາມຂ່າວຕ່າງປະເທດລາຍງານວ່າ ເຖິງແມ່ນວ່າສະພາບການໂລກລະບາດຢູ່ໄທໃນຊຸມວັນທີ່ຜ່ານມາ ບັນລຸໄດ້ບັນດາຄວາມຄືບໜ້າຂະນະທີ່ຈຳນວນຜູ້ຕິດເຊື້ອໃໝ່ໄດ້ຫຼຸດລົງ ນັບແຕ່ວັນທີ 14 ມີນາກໍ່ຕາມ, ແຕ່ວ່າ ລັດຖະບານປະເທດນີ້ໄດ້ຕັດສິນໃຈແກ່ຍາວຄຳສັ່ງສະພາວະສຸກເສີນຕື່ມອີກ 1 ເດືອນ ເພື່ອແນໃສ່ຮັບປະກັນຄວບຄຸມສະພາບການ.ດັ່ງນັ້ນ, ຮອດວັນ ທີ 31 ພຶດສະພາ, ປະຊາຊົນໄທຕ້ອງປະຕິບັດຕາມບັນດາຄຳສັ່ງທີ່ໄດ້ ຮັບການປະກາດໃຊ້ຕາມລັດຖະດຳລັດນີ້, ໃນນັ້ນຫ້າມເຕົ້າໂຮມກັນຫຼາຍຄົນ ແລະປະກາດກົດໄອຍະການເສິກແຕ່ເວລາ 22 ໂມງ ຂອງວັນນີ້ຮອດ 4 ໂມງເຊົ້າຂອງວັນຕໍ່ມາ,ບັນດາຮ້ານອາຫານ, ສູນການຄ້າ, ການບໍລິການ ທີ່ບໍ່ຈຳເປັນຢູ່ໄທລ້ວນແຕ່ຕ້ອງປິດປະຕູ.

ນັບມາຮອດວັນທີ 27 ເມສາທີ່ຜ່ານມາ ໄທມີຜູ້ຕິດເຊື້ອໂຄວິດ-19 ທັັງໝົດ 2.931 ຄົນ, ເສຍຊີວິດ 52 ຄົນ, ປິ່ນປົວຫາຍດີ 2.609 ຄົນ ແລະຜູ້ຍັັງມີຕິດເຊື້ອທີ່ກຳລັງປິ່ນປົວຢູ່ໂຮງໝໍ  270 ຄົນ.

-----

ໜັງສືພິມເສດຖະກິດ-ສັງຄົມ

แชร์