ເພື່ອປະຕິບັດຕາມທິດຊີ້ນໍາຂອງລັດຖະບານຕໍ່ກັບການຈັດຕັ້ງປະຕິບັດຜົນຕິດຕາມ, ຊຸກຍູ້ຫນ້າທີ່ວຽກງານຂອງ 4 ກະຊວງ ແລະການປະຕິບັດຄໍາສັ່ງ 15/ ນຍ ຫ້ອງວ່າການສໍານັກງານນາຍົກລັດຖະມົນຕີໄດ້ອອກແຈ້ງການສະບັບເລກທີ 502/0ສມຍ ລົງວັນທີ 22 ເມສາ 2020 ໂດຍຕາມທິດຊີ້ນໍາຂອງທ່ານນາຍົກລັດຖະມົນຕີໄດ້ໃຫ້ກະຊວງພາຍໃນເປັນເຈົ້າການສົມທົບພາກສ່ວນທ່ີກ່ຽວຂ້ອງເອົາໃຈໃສ່ຕິດຕາມໃນການຊຸກຍູ້ການຈັດຕັ້ງປະຕິດບັດວຽກງານແຂ່ງຂັນຮັກຊາດ ແລະພັດທະນາໃຫ້ເປັນຂະບວນການຟົດຟື້ນ ແລະເປັນຮູບປະທໍາຫຼາຍຂຶ້ນໂດຍຕິດພັນກັບການຜັນຂະຫຍາຍວຽກງານ 3 ສ້າງໃຫ້ເຂົ້າສູ່ລ່ວງເລິກ.

 ຮີບຮ້ອນຄົ້ນຄວ້າ ແລະປັບປຸງນິຕິກໍາຂໍ້ກໍານົດ ແລະລະບຽບການຕ່າງໆລວມທັງກົງຈັກການຈັດຕັ້ງຂັ້ນທ້ອງຖິ່ນໃຫ້ມີຄວາມເຂັ້ມແຂງຄົ້ນຄວ້າ ແລະສັບຊ້ອນພະນັກງານລົງປະຈໍາການຢູ່ຂັ້ນບ້ານຫຼາຍຂຶ້ນສ້າງກົນຈັກຮາກຖານໃຫ້ມີຄວາມເຂັ້ມແຂງທາງດ້ານການເມືອງ, ການຈັດຕັ້ງ ແລະການບໍລິຫານແກ້ພັກ ແລະລັດຖະບານຄຽງຄູ່ກັນນັ້ນກໍ່ໃຫ້ມີການຄົ້ນຄວ້າ ແລະປັບປຸງການປະຕິບັດນະໂຍບາຍຕໍ່ພະນັກງານລັດຖະກອນໃນແຕ່ລະຂົງເຂດ ແລະທ້ອງຖິ່ນໃຫ້ສອດຄ່ອງເຫມາະສົມກັບສະພາບຕົວຈິງ.