ມື້ທີ 11 ແລ້ວຫວຽດນາມບໍ່ມີຜູ້ຕິດເຊື້ອໂຄວິດ-19

 ຕາມແຫຼ່ງຂ່າວຂອງຄະນະຊີ້ນຳການປ້ອງກັນ, ຕ້ານໂລກລະບາດ ໂຄວິດ-19 ໂດຍໃຫ້ຮູ້ວ່າ: ຮອດຕອນເຊົ້າວັນທີ 27 ເມສາ, ສສ ຫວຽດ ນາມບໍ່ມີຜູ້ຕິດເຊື້ອໂຄວິດ-19 ຄົນໃໝ່ເພີ່ມ.

 ຕາມຂ່າວສານຫວຽດນາມລາຍງານວ່າ ປະຈຸບັນມີຜູ້ຕິດເຊື້ອພະຍາດລະບາດໂຄວິດ-19 ຍັງແມ່ນ 270 ຄົນ ສະນັ້ນ, ກ້າວເຂົ້າສູ່ວັນທີ 11 ຫວຽດນາມ ບໍ່ມີຜູ້ຕິດເຊື້ອພະຍາດໂຄວິດ-19 ໃນປະຊາຄົມ, ຖ້າຄິດ ໄລ່ນັບແຕ່ຕອນແລງວັນທີ 24 ເມສາ ແລ້ວ, ມີ 2 ຄົນ ຕິດເຊື້ອຄົນໃໝ່ຊຶ່ງແມ່ນນັກສຶກສາຮຽນຢູ່ຍີ່ປຸ່ນກັບເມືອປະເທດນັ້ນ, ມື້ນີ້ແມ່ນມື້ທີ 3 ບໍ່ມີ ຜູ້ຕິດເຊື້ອຄົນໃໝ່,ປະຈຸບັນ, ມີ 225 ຄົນ ໄດ້ຮັບການປິ່ນປົວຫາຍດີເປັນ ປົກກະຕິ, ອອກໂຮງໝໍແລ້ວ, ຍັງເຫຼືອ 45 ຄົນ ພວມໄດ້ຮັບການປິ່ນປົວ ຢູ່ໂຮງໝໍ 8 ແຫ່ງ ໂດຍຜູ້ທີ່ມີຜົນກວດໄວຣັດຄັ້ງທີ 1 ລວມ 13 ຄົນ ແລະ ຜູ້ທີ່ຜົນກວດໄວຣັດເປັນລົບ 2 ຄັ້ງຂຶ້ນໄປລລວມ 3 ຄົນ.

  ໃນເຫດການທີ່ກ່ຽວຂ້ອງ, ຄືດັ່ງໄດ້ໃຫ້ຂ່າວວ່າຊຸດ KIT ວິໄຈຫາເຊື້ອ ໂຄວິດ-19 ຂອງຫວຽດນາມໂດຍສະຖາບັນເສນາຮັກສົມທົບກັບບໍລິສັດ ຮຸ້ນສ່ວນເຕັກໂນໂລຊີ ຫວຽດອ໊າ ຄົ້ນຄວ້າ ແລະຜະລິດນັ້ນໄດ້ຮັບການ ຢັ້ງຢືນຈາກອົງການອະນາໄມໂລກ (WHO) ຈະຊ່ວຍໃຫ້ຜະລິດຕະພັນ ດັ່ງກ່າວໄດ້ສົ່ງອອກໄປທົ່ວໂລກຢ່າງງ່າຍດາຍ, ຄາດວ່າບັນດາອົງການ ຈັດຕັ້ງຄື: ທະນາຄານໂລກ (WB), ກອງທຶນ CHAI ຈະຊື້ຜະລິດຕະພັນດັ່ງກ່າວເພື່ອນຳໄປອຸປະຖຳໜູນຊ່ວຍໃຫ້ບັນດາປະເທດໃນທົ່ວໂລກ, ກ່ອນໜ້ານັ້ນ, ມີກວ່າ 20 ປະເທດ ແລະວິສາຫະກິດໄດ້ສັ່ງຊື້ຊຸດ KIT ວິໄຈຫາເຊື້ອໂຄວິດ-19 ຂອງຫວຽດນາມຄື: ອີຣານ, ອູແກຼນ, ແຟັງລັງ ແລະມາເລເຊຍ.

-----

ໜັງສືພິມເສດຖະກິດ-ສັງຄົມ

 

แชร์