ສູນຝຶກອົບຮົມວິຊາຊີບສະຫະພັນແມ່ຍິງແຂວງສາລະວັນ ຜະລິດຜ້າອັດປາກໄດ້ 150 ກວ່າອັນຕໍ່ມື້

 ເພື່ອເປັນການເພີ່ມທະວີມາດ ຕະການສະກັດກັນ, ກັນການລະບາດ, ຄວບຄຸມ ແລະກຽມຄວາມພ້ອມຮອບດ້ານຕ້ານພະຍາດໂຄວິດ 19 ທີ່ກຳລັງລະບາດຢ່າງຮ້າຍແຮງ ໃນທົ່ວໂລກກໍຄືຢູ່ ສປປ ລາວ ທີ່ໄດ້ກວດພົບຜູ້ທີ່ຕິດເຊື້ອບໍ່ໃຫ້ມີການແຜ່ລະບາດຂອງຜະຍາດໂຄວິດ 19.

  ທ່ານ ນາງ ບຸນທະວີ ດວງລາ ສີ ປະທານສະຫະພັນແມ່ຍິງແຂວງ ໃຫ້ສຳພາດຕໍ່ສື່ມວນຊົນໃນວັນທີ 24 ເມສາ 2020 ວ່າ:ການຈັດຕັ້ງ ປະຕິບັດວຽກງານດັ່ງກ່າວນີ້ເປັນ ຕົ້ນກໍແມ່ນການເຮັດຜ້າອານະໄມອັດປາກເພື່ອຕ້ານໂຄວິດ 19 ກ່ອນຈະຈັ້ງຕັ້ງປະຕິບັດກໍໄດ້ມີການປະສານສົມທົບກັບພາກສ່ວນຕ່າງໆ ທີ່ກ່ຽວຂ້ອງເປັນຕົ້ນກໍແມ່ນຄະນະສະເພາະກິດຂັ້ນແຂວງ, ພະແນກສາທາແຂວງ ແລະໂຮງໝໍແຂວງ ເພື່ອເປັນການຈັດຕັ້ງປະຕິບັດໃຫ້ຖືກຕ້ອງຕາມລະບຽບຫຼັກການ ແລະຂັ້ນຕ້ອນຕ່າງໆ ຂອງວຽກ ງານ, ພາຍໃນສູນຝຶກອົບຮົມວິຊາຊີບສະຫະພັນແມ່ຍິງແຂວງມີແຮງ ງານທັງໝົດ 18 ຄົນ, ທີ່ເຮັດວຽກ ນີ້ ແລະສະເລ່ຍໄດ້ມື້ໜຶ່ງສາມາດ ຜະລິດໄດ້ 150 ກວ່າອັນ, ຕາມ ແຜນແມ່ນຈະຜະລິດໃຫ້ໄດ້ 500 ກວ່າອັນ,ແຕ່ລະອັນຂອງຜ້າອັດປາກແມ່ນຈະໄດ້ຜ່ານການຂ້າເຊື້ອ ແລະຢັ້ງຢືນກວດກາຈາກພາກສ່ວນຕ່າງໆທີ່ກ່ຽວຂ້ອງນັ້ນກໍຄືພະແນກສາທາແຂວງ ແລະໂຮງໝໍແຂວງ ເພື່ອຄວາມຖືກຕ້ອງແລ້ວ ຈຶ່ງຈະນຳເອົາໄປມອບໃຫ້ແຕ່ລະສູນກັກ ກັນໃນທົ່ວແຂວງ, ນອກຈາກນັ້ນກໍຍັງຈະໄດ້ມອບໃຫ້ພໍ່ແມ່ປະຊາຊົນຜູ້ ທີ່ຂາດເຂີນ ໂດຍປະສານສົມທົບ ກັບພາກສ່ວນຕ່າງໆທີ່ກ່ຽວຂ້ອງໃນ ແຕ່ລະຂັ້ນຕອນຂອງການໆມອບ.

  ທ່ານ:ປະທານສະຫະພັນແມ່ ຍິງແຂວງຍັງໄດ້ກ່າວຕື່ມອີກວ່າ ກ່ອນຈະຈັດຕັ້ງປະຕິບັດໄດ້ກໍຍ້ອນ ເອື້ອຍນ້ອງແມ່ຍິງພວກເຮົາມີຄວາມສາມັກຄີກັນດີ ແລະຕື່ນຕົວສູງຕໍ່ ການຈັດຕັ້ງປະຕິບັດໜ້າທີ່ກໍຄືວຽກ ງານວິຊາສະເພາະຂອງຕົນເພື່ອປະກອບສ່ວນເຂົ້າໃນວຽກງານ ຕ່າງໆ, ນອກຈາກຄວາມສາມັກຄີ ຂອງເອື້ອຍນ້ອງແມ່ຍິງພາຍໃນ ແລ້ວກໍ່ຍັງໄດ້ຮັບການປະກອບສ່ວນຈາກຜູ້ສຳປະທານຕະຫຼາດຕື່ມອີກ ແລະໃນຕໍ່ໜ້າກໍ່ຫວັງວ່າຈະໄດ້ຮັບການປະກອບສ່ວນ, ສະໜັບສະໜູນຈາກພາກສ່ວນຕ່າງໆ ທີ່ກ່ຽວ ຂ້ອງບໍ່ວ່າຈະເປັນອົງການຈັດຕັ້ງ ຕ່າງໆ, ຜູ້ປະກອບການ,ຫົວໜ່ວຍ ທຸລະກິດ ແລະອື່ນໆ, ການຈັດຕັ້ງ ປະຕິບັດຄັ້ງນີ້ກໍ່ເພື່ອແນໃສ່ສະກັດ ກັ້ນການແຜ່ລະບາດຂອງພະຍາດ ໂຄວີດ 19 ບໍ່ໃຫ້ແຜ່ຂະຫຍາຍ ອອກໄປສູ່ວົງກວ້າງ.

---------

ໜັງສືພິມເສດຖະກິດສັງ-ສັງຄົມ

แชร์