ໃນວັນທີ 25 ເມສາຜ່ານມາທາງມູນນິທິຮ່ວມໃຈພັດທະນາລາວຮ່ວມກັບອົງການກາແດງລາວສືບຕໍ່ມອບເຂົ້າສານອາຫານແຫ້ງໃຫ້ 2 ບ້ານຄື: ບ້ານສະພັງໝໍ້ ແລະບ້ານຮອງຄ້າໂດຍໃຫ້ກຽດເຂົ້າຮ່ວມມອບເຄື່ອງຄັ້ງນີ້ ທ່ານ ຄໍາສະຫວັນ ໂຄດໄຊ ຮອງເຈົ້າເມືອງໄຊເສດຖາ, ທ່ານນາງ ລັດດາວົງ ສິງຫາ ຕາງຫນ້າມູນນິທະຮ່ວມໃຈພັດ ທະນາພ້ອມດ້ວຍນາຍບ້ານທັງ 2 ບ້ານພາກສ່ວນກ່ຽວຂ້ອງເຂົ້າຮ່ວມ.

  ສໍາລັບມູນນິທິຮ່ວມໃຈພັດທະນາເປັນໂຄການທີ່ໃຫ້ການຊ່ວຍເຫຼືອແບ່ງເບົາໃຫ້ການຊ່ວຍເຫຼືອສັງຄົມຕະຫຼອດມາໂດຍສະເພາະຜູ້ທີ່ຂາດເຂີນ ແລະໄລຍະນີ້ຖືກເປັນຊ້ວງວິກິດໂຄວິດ-19 ທາງມູນນິທິກໍ່ເຫັນຄວາມສໍາຄັນຂອງປະຊາຊົນຊຶ່ງໄລຍະຜ່ານມາກໍໄດ້ຊ່ວຍເຫຼືອຫຼາຍບ້ານຫຼາຍເມືອງ, ພ້ອມນໍາອຸປະກອນແພດຫມໍໄປມອບໃຫ້.

 ທ່ານນາງ ລັດດາວົງ ສິງຫາ ໃຫ້ສໍາພາດວ່າ: ສໍາລັບການມອບເຄື່ອງທິດນີ້ຖືກເປັນຄັ້ງທີ່ 3 ທາງມູນນິທິຮ່ວມໃຈພັດທະນາຮ່ວມກັບອົງການກາແດງລາວຊື່ງມື້ນີ້ນໍາເອົາເຂົ້າສານ, ຫມີ່ໄວໆ ແລະໄຂໃຫ້ບ້ານສະພັງຫມໍ້ 101 ຊຸດ ແລະບ້ານຮອງຄ້າ 100 ຊຸດ.

--------------

ຂຽນໂດຍ:  ບຸນນິກ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ