ສສກ ມອບທຸງໄຊ ແລະຍ້ອງຍໍຜູ້ທີ່ມີຜົນງານດີເດັ່ນ

  ວັນທີ 1 ກຸມພາ ຜ່ານມາທີ່ຫ້ອງປະຊຸມສະຖາບັນພັດທະນາການບໍລິຫຫານການສຶກສານະຄອນຫຼວງວຽງຈັນ ກະຊວງສຶກສາທິການ ແລະກີລາ (ສສກ) ໄດ້ມອບທຸງໄຊໃຫ້ແກ່ພະແນກສຶກສາທິການ ແລະກີລາແຂວງ/ນະຄອນຫຼວງ ແລະຫ້ອງການສຶກສາທິການ ແລະກີລາເມືອງທີ່ມີຜົນງານດີເດັ່ນຮອບດ້ານຕະຫຼອ ດໄລຍະ 5 ປີ (ສົກປີ 2013-2018) ໂດຍເປັນກຽດມອບຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະກີລາ, ມີບັນ ດາຫົວໜ້າ-ຮອງຫົວໜ້າກົມ, ຜູ້ບໍລິຫານການສຶກສາທຸກຂັ້ນທົ່ວປະເທດ ແລະຄະນະຮັບຜິດຊອບວຽກງານກ່ຽວຂ້ອງເຂົ້າຮ່ວມ.       

  ທ່ານ ນາງ ບົວຄໍາ ດາວສະ ຫວັນ ຮອງຫົວໜ້າກົມຈັດຕັ້ງໄດ້ຜ່ານຂໍ້ຕົກລົງວ່າດ້ວຍການຍ້ອງຍໍໂດຍລັດຖະມົນຕີກະຊວງສຶກສາທິການ ແລະກີລາໄດ້ຕົກລົງມອບທຸງໄຊ (ຂັ້ນກະຊວງ) ໃຫ້ແກ່ພະແນກສຶກສາທິການ ແລະກີລາແຂວງ/ນະຄອນຫຼວງ 3 ພະແນກຄື: ພະແນກສຶກສາທິການ ແລະກີລາແຂວງບໍ່ແກ້ວ, ຈໍາປາສັກ  ແລະແຂວງເຊກອງ, ສຳລັບຫ້ອງການສຶກສາທິການ ແລະກີລາເມືອງມີ 22 ຫ້ອງການຄື: ຫ້ອງການສຶກສາທິການ ແລະກີລາເມືອງ ຕົ້ນເຜິ້ງ, ເມິງ,ປາທາແຂວງບໍ່ແກ້ວ, ບໍ່ແຕນ, ເງິນ ແຂວງໄຊຍະບູລີ, ແປກ, ຜາໄຊ ແຂວງຊຽງຂວາງ, ຊຽງເງິນ,  ໂພນໄຊ,  ວຽງຄໍາ ແຂວງຫຼວງພະບາງ, ທ່າພະ ບາດ, ບໍລິຄັນ, ປາກກະດິງແຂວງບໍລິຄໍາໄຊ, ເຊບັ້ງໄຟແຂວງຄໍາມ່ວນ, ນະຄອນປາກເຊ, ຊະນະສົມບູນ, ສຸຂຸມາ, ມູນລະປະໂມກ, ໂຂງແຂວງຈໍາປາສັກ, ເລົ່າງາມ ແຂວງສາລະວັນ, ລະມານ ແລະ ຫ້ອງການສຶກສາທິການ ແລະກີລາທ່າແຕງ ແຂວງເຊກອງ ທີ່ມີຜົນງານດີເດັ່ນຮອບດ້ານໃນການຊີ້ນໍາໆພາການເມືອງແນວຄິດ, ດ້ານການນໍາພາວິຊາການ ແລະດ້ານການນໍາພາປະຕິບັດນະໂຍບາຍໃນສົກປີ 2013-2018.

  ພ້ອມນັ້ນ, ລັດຖະມົນຕີກະຊວງສຶກສາທິການ ແລະກີລາຍັງໄດ້ຕົກລົງມອບໃບຍ້ອງຍໍ (ຂັ້ນກະຊວງ) ໃຫ້ແກ່ພະແນກສຶກສາທິ ການ ແລະກີລາແຂວງ/ນະ ຄອນຫຼວງ 7 ພະແນກ ຄື: ພະແນກສຶກສາທິການ ແລະກີລາແຂວງຫົວພັນ, ຊຽງຂວາງ, ຫຼວງພະບາງ, ນະຄອນຫຼວງວຽງຈັນ, ຄໍາມ່ວນ, ສະຫວັນນະເຂດ  ແລະພະແນກສຶກສາທິການ ແລະກີລາແຂວງສາລະວັນ, ສ່ວນຫ້ອງການສຶກສາທິການ ແລະກີລາເມືອງມີ 39 ເມືອງຄືຫ້ອງການສຶກສາທິການ ແລະ ກີລາເມືອງຊໍາເໜືອ, ວຽງໄຊ, ຊໍາໃຕ້, ຊ້ອນແຂວງຫົວພັນ, ເມືອງຄູນແຂວງຊຽງຂວາງ,  ນະຄອນຫຼວງພະບາງ, ນານ, ພູຄູນ ແຂວງຫຼວງພະບາງ, ໂພນໂຮງ, ວຽງຄໍາແຂວງວຽງຈັນ, ຈັນທະບູລີ, ສີໂຄດຕະບອງ, ນາຊາຍທອງ, ຫາດຊາຍຟອງ, ປາກງື່ມ, ສັງທອງນະຄອນ ຫຼວງວຽງຈັນ, ປາກຊັນ, ຄໍາເກີດ, ວຽງທອງ  ແຂວງບໍລິຄໍາໄຊ, ໜອງບົກ, ຫີນບູນ ແຂວງຄໍາມ່ວນ, ນະຄອນໄກສອນ, ອຸທຸມພອນ, ອາດສະພອນ, ອາດສະພັງທອງ, ໄຊບູລີ, ວິລະບູລີ, ໄຊພູທອງ, ສອງ ຄອນ, ຈໍາພອນ, ທ່າປາງທອງ ແຂວງສະຫວັນນະເຂດ, ນະຄອນ ປາກເຊ, ປະທຸມພອນ, ໂພນທອງ ແຂວງຈໍາປາສັກ,  ສາລະວັນ, ວາປີ, ຄົງເຊໂດນ, ລະຄອນເພັງ ແຂວງ ສາລະວັນ, ດາກຈຶງ ແລະຫ້ອງການສຶກສາທິການແລະກີລາເມືອງກະລືມ ແຂວງເຊກອງທີ່ມີຜົນງານດີເດັ່ນສະເພາະດ້ານໃນດ້ານການຊີ້ນໍາໆພາການເມືອງແນວຄິດ, ດ້ານການນໍາພາວຽກງານວິຊາສະເພາະ ແລະດ້ານການນໍາພາປະຕິບັດນະໂຍບາຍສົກປີ 2013-2018.

แชร์