ຮອງນາຍົກ ລົງຊຸກຍູ້ວຽກສະກັດກັ້ນ-ຄວບຄຸມໂຄວິດ-19 ຢູ່ຊ້າງຄູ້

  ທ້າຍອາທິດຜ່ານມາ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີລັດຖະມົນຕີກະຊວງແຜນການ ແລະການລົງທຶນພ້ອມຄະນະລົງຊຸກຍູ້ວຽກງານສະກັດກັ້ນ ແລະຄອບຄຸມການລະບາດຂອງພະຍາດ COVID-19 ທີ່ຫ້ອງພັກເຊົາຂອງປະຊາຊົນຢູ່ບ້ານຊ່າງຄູ້ ເມືອງໄຊທານີ ນະຄອນຫຼວງວຽງຈັນ ໂດຍມີທ່ານ ສີຫຸນ ສິດທິລືໄຊ ຮອງເຈົ້າ ຄອງ ນວ ທ່ານຮອງລັດຖະມົນຕີກະຊວງ ຖວທ ທ່ານເຈົ້າເມືອງຫົວໜ້າພະແນກອໍານາດການປົກຄອງ ແລະປະຊາຊົນໃຫ້ການຕ້ອນຮັບ.

  ໂອກາດນີ້ຄະນະກໍໄດ້ຮັບຟັງການລາຍງານຂອງ ທ່ານ ວັນທອງ ພົງສະຫວັນ ນາຍບ້ານບ້ານຊ້າງຄູ້ຕໍ່ສະພາບການລະບາດຂອງພະຍາດ COVID-19 ຂອງອໍານາດການປົກຄອງບ້ານເຊິ່ງເຫັນໄດ້ວ່າ: ພາຍຫຼັງມີຄໍາສັ່ງແນະນໍາເລກທີ 06/ນຍຂອງທ່ານນາຍົກທາງອໍານາດການປົກຄອງ ແລະພໍ່ແມ່ປະຊາຊົນພາຍໃນບ້ານສົມທົບກັບໜ່ວຍງານສະເພາະກິດຂອງເມືອງ ແລະ ນວ ໄດ້ລົງເຜີຍແຜ່ແນະນໍາຜ່ານໂທລະໂຂງຫົວໜ່ວຍ 10 ຫຼັງຄາເຮືອນ ແລະບັນດາຫ້ອງພັກເຊົາລົງກວດກາຕິດຕາມເຝົ່າລະວັງຢ່າງຕໍ່ເນື່ອງເຮັດໃຫ້ບ້ານຂອງພວກເຮົາມີຄວາມສະຫງົບເປັນລະບຽບຮຽບຮ້ອຍ ແລະບໍ່ມີຜູ້ຕິດເຊື້ອ.

  ທ່ານຮອງນາຍົກໄດ້ກ່າວຍ້ອງຍໍຊົມເຊີຍຕໍ່ການເອົາໃຈໃສ່ຢ່າງຕັ້ງໜ້າຂອງອໍານາດການປົກຄອງພໍ່ແມ່ປະຊາຊົນທີ່ພ້ອມກັນເອົາໃຈໃສ່ຈັດຕັ້ງຜັນຂະຫຍາຍຄໍາສັ່ງເລກທີ 06 ຂອງທ່ານນາຍົກດ້ວຍຄວາມຮັບຜິດຊອບສູງພ້ອມທັງໄດ້ຍົກໃຫ້ເຫັນຜົນຂອງການຈັດຕັ້ງປະຕິບັດຄໍາສັ່ງສະບັບດັ່ງກ່າວ ແລະເນັ້ນໃຫ້ເອົາໃຈໃສ່ມາດຕະການແກ້ໄຂການດໍາລົງຊີວິດການປັບປຸງພັດທະນາຊີວິດການເປັນຢູ່ໃນໄລຍະພະຍາດ COVID-19 ທີ່ພວມແຜ່ລະບາດໃຫ້ມີຄວາມຕື່ນຕົວເອົາໃຈໃສ່ເຂັ້ມງວດປ້ອງກັນຕົນເອງຢູ່ພາຍໃນບ້ານເຮືອນຈະເຮັດແນວໃດເວລາອອກຈາກເຮືອນຈະປະຕິບັດຕົນເອງແນວໃດໂດຍສະເພາະໜັ່ນລ້າງມືໃຊ້ຜ້າປິດປາກປິດດັງທຸກຄັ້ງພ້ອມເປີດໂອກາດໃຫ້ພໍ່ແມ່ປະຊາຊົນນໍາສະເໜີບັນຫາຂໍ້ຫຍຸ້ງຍາກຄວາມຕ້ອງການຊ່ວຍເຫຼືອໃນໄລຍະການລະບາດຂອງພະຍາດ COVID-19 ຕໍ່ເຈົ້າຂອງຫ້ອງພັກເຊົາເພື່ອນໍາສະເໜີຕໍ່ອໍານາດການປົກຄອງເພື່ອຫາຊ່ອງທາງໃນການແກ້ໄຂ ແລະ ນັບຈາກມື້ນີ້ໄປຈະເຮັດແນວໃດເຮັດໃຫ້ຊີວິດການເປັນຢູ່ຂອງພໍ່ແມ່ປະຊາຊົນໃຫ້ນັບມື້ດີຂຶ້ນເພື່ອພ້ອມກັນຜ່ານຜ່າວິ ກິດການໃນຄັ້ງນີ້.

ພ້ອມດຽວກັນນີ້ທາງຄະນະຍັງໄດ້ນໍາເອົາເຄື່ອງຊ່ວຍເຫຼືອຈໍານວນໜຶ່ງເຊິ່ງປະກອບມີຜ້າປິດປາກປິດດັງເຫຼົ້າ90 ແລະໄຂ່ມາມອບໃຫ້ແກ່ພໍ່ແມ່ປະຊາຊົນທີ່ພັກເຊົາຢູ່ຫ້ອງແຖວແຫ່ງດັ່ງກ່າວຈໍານວນ 15 ຫ້ອງ.

_______________

ໜັງສືພິມເສດຖະກິດ-ສັງຄົມ

แชร์