ເທນເຊັນຕັ້ງກອງທຶນຫຼາຍກວ່າ 100 ລ້ານໂດລາ ຊ່ວຍເຫຼືອທົ່ວໂລກຜ່າວິກິດໂຄວິດ-19

   ບໍລິສັດເທນເຊັນໂຮລດິ້ງລິ ມິເຕັດຈຳກັດບໍລິສັດດ້ານເຕັກໂນໂລຊີຊັ້ນນຳປະກາດຈັດຕັ້ງກອງທຶນຕໍ່ຕ້ານໂຣກລະບາດທົ່ວໂລກ(GlobalAntiPandemic Fund) ມູນຄ່າ 100 ລ້ານໂດລາສະຫະລັດເພື່ອຊ່ວຍເຫຼືອທົ່ວໂລກໃນການຜ່າວິກິດ ແລະຢັບຢັ້ງການແຜ່ລະບາດຂອງໄວຣັດໂຄວິດ-19.

 ໂດຍໃນໄລຍະທຳອິດນີ້ກອງທຶນ ຈະມຸ່ງເນັ້ນໃຫ້ຄວາມຊ່ວຍເຫຼືອໃນ ການຈັດຫາ ແລະບໍລິຈາກອຸປະກອນ ປ້ອງກັນໄພສ່ວນບຸກຄົນ ຫຼື ຊຸດ PPE (Personal Protective Equipment) ແລະອຸປະກອນທາງ ການແພດທີ່ຈຳເປັນອື່ນໆເພື່ອຊ່ວຍ ເຫຼືອໂຮງໝໍ ແລະພະນັກງານແພດ ທີ່ເປັນປ້ອມດ່ານໜ້າໃນການຕໍ່ສູ້ ກັບໄພໂຄວິດ-19 ນີ້.

  ທ່ານ ມາຕິນຫຼໍ ປະທານບໍລິຫານຂອງເທນເຊັນກ່າວວ່າໄວຣັດໂຄ ວິດ-19 ສົ່ງຜົນກະທົບຢ່າງຮຸນ ແຮງຫຼາຍທົ່ວໂລກ ແລະພວກເຮົາ ກຳລັງປະເຊີນໜ້າກັບຄວາມທ້າ ທາຍນີ້ນຳກັນຈາກປະສົບການໃນ ສປ ຈີນ ແລະຂໍ້ສະເໜີແນະຈາກໂຮງໝໍທົ່ວໂລກນັ້ນເຮົາເຫັນວ່າເຮົາ ຕ້ອງຈັດຫາອຸປະກອນປ້ອງກັນໄພ ສ່ວນບຸກຄົນ ຫຼື ຊຸດ PPE ແລະອຸ ປະກອນການແພດຕ່າງໆຢ່າງເລັ່ງດ່ວນທີ່ສຸດໂດຍສະເພາະຢ່າງຍິ່ງໃນພື້ນທີ່ທີ່ໄດ້ຮັບຜົນກະທົບຈາກໂຣກລະບາດນີ້ໂດຍການບໍລິຈາກອຸປະກອນທີ່ຈຳເປັນຄັ້ງນີ້.

ເຮົາຫວັງເປັນຢ່າງຍິ່ງວ່າຈະເປັນການຊ່ວຍປ້ອງກັນບັນດາແພດ ໝໍພະຍາບານ ແລະບຸກຄະລາກອນ ທາງການແພດທີ່ປິ່ນປົວ ແລະ ເບິ່ງແຍງຄົນເຈັບຢ່າງຫ້າວຫັນ. 

-------

ໜັງສືພິມເສດຖະກິດ-ສັງຄົມ

แชร์