ອາເມລິກາ ວ່າງວຽກສູງເຖິງ 26 ລ້ານຄົນ

ປະຊາຊົນໃນອາເມລິກາວ່າງວຽກໃນໄລຍະການແຜ່ລະບາດຂອງເຊື້ອພະຍາດໂຄວິດ-19 ສູງເຖິງ 26 ລ້ານຄົນ ແຊງໜ້າຍອດການຈ້າງວຽກເຮັດທັງທົດສະວັດ.

 ຕາມຂ່າວຕ່າງປະເທດລາຍ ງານວ່າ ກະຊວງແຮງງານອາເມລິກາ ລາຍງານໃນວັນທີ 23 ເມສາ ທີ່ຜ່ານມາວ່າ ມີຊາວອາເມລິກາ ລົງທະບຽນຂໍຮັບເງິນສະຫວັດດີ ການການວ່າງວຽກ 4.427 ຄົນ ໃນອາທິດທີ່ຜ່ານມາ ເຮັດໃຫ້ຈຳນວນຄົນອາເມລິກາວ່າງວຽກສະສົມໃນໄລຍະ 5 ອາທິດທີ່ມີໄວຣັດ ໂຄວິດ-19 ລະບາດຢູທີ່ 26.45 ລ້ານຄົນ, ທັງນີ້ ຍອດສະສົມຄົນວ່າງວຽກຫຼ້າສຸດຂອງອາເມລິກາແຊງໜ້າກາງຈ້າງວຽກເຮັດລວມ 22.442 ລ້ານຄົນໃນປະເທດນັບຕັ້ງແຕ່ເດືອນພຶດສະພາປີ 2009 ໃນໄລຍະທີ່ເສດຖະກິດອາເມລິກາ ເລີ່ມກັບມາຈ້າງວຽກເຮັດຫຼັງຈາກ ຜ່ານພົ້ນວິກິດເສດຖະກິດຖົດຖອຍໃນປີ 2008.

 ອາເມລິກາຍັງຄົງແມ່ນປະເທດ ນໍາໜ້າໃນໂລກກ່ຽວກັບຈໍານວນກໍ ລະນີຕິດເຊື້ອໄວຣັດໂຄວິດ-19 ດ້ວຍກວ່າ 845.000 ຄົນ ແລະ ເສຍຊີວິດ 48.000 ຄົນຖັດມາແມ່ນ ແອັດສະປາຍ, ອີຕາລີ ແລະຝຣັ່ງ.

 -----------

ໜັງສືພິມເສດຖະກິດ-ສັງຄົມ

แชร์