ອີຕາລີ ຈະເລີ່ມຟື້ນຟູເສດຖະກິດ

 ລັດຖະບານອີຕາລີຈະເລີ່ມຫຼຸດຜ່ອນມາດ ຕະການຈຳກັດບໍລິເວນ ແລະຟື້ນຟູເສດຖະກິດ ພາຍຫຼັງໄດ້ຮັບຜົນກະທົບຢ່າງໜັກຈາກເຊື້ອພະຍາດໂຄວິດ-19.

    ຕາມຂ່າວຕ່າງປະເທດລາຍງານວ່າ ທ່ານ ຈູເຊປເປຄອນເຕ ນາຍົກລັດຖະມົນຕີອີຕາລີຈະເປີດແຜນຫຼຸດຜ່ອນມາດຕະການຈຳກັດເປີດ ເສດຖະກິດ ແລະການຟື້ນຟູຈາກວິກິດຂອງພະຍາດໂຄວິດ-19 ຫຼັງຈາກປິດເມືອງທົ່ວປະເທດ ນັບຕັ້ງແຕ່ 9 ເດືອນມີນາຜ່ານມາ ແລະຂະຫຍາຍສອງຄັ້ງໄປຈົນເຖິງ 3 ພຶດສະພານີ້ ເປັນການເປີດເມືອງຕາມນະໂຍບາຍທີ່ໄດ້ນຳລາຍລະອຽດ ທັງໝົດມາພິຈາລະນາ ແລະເອົາຂໍ້ມູນທັງໝົດມາວິເຄາະເປັນນະໂຍບາຍຢ່າງຈິງຈັງ ແລະເປັນວິທະຍາສາດຄວາມຄາດໝາຍທີ່ສົມເຫດ ສົມຜົນຄືຈະເລີ່ມໃຊ້ໄດ້ນັບແຕ່ວັນທີ 4 ພຶດສະພານີ້.

  ປະຈຸບັນ ອີຕາລີມີຜູ້ຕິດເຊື້ອພະຍາດໂຄວິດ-19 ຈຳນວນ 181.228 ຄົນ ເປັນອັນດັບ 3 ຂອງໂລກຮອງຈາກອາເມລິກາ ແລະແອັດສະປາຍ, ມີຜູ້ເສຍຊີວິດ 24.114 ຄົນ ຫຼາຍເປັນອັນ ດັບ 2 ຂອງໂລກຮອງຈາກອາເມລິກາ.

------

ໜັງສືພິມເສດຖະກິດ-ສັງຄົມ

แชร์