ເຢຍລະມັນ ກະຕຸ້ນເສດຖະກິດ 10 ຕື້ເອີໂຣ

 ລັດຖະບານເຢຍລະມັນປະກາດມາດຕະການທາງເສດຖະກິດຄັ້ງໃໝ່ມູນຄ່າ 10 ຕື້ເອີໂຣ ເປັນສະຫວັດດີການວ່າງວຽກເພີ່ມຕື່ມ ແລະຫຼຸດພາສີເພື່ອຊ່ວຍທຸລະກິດທີ່ໄດ້ຮັັບຜົນກະທົບຈາກພະຍາດໂຄວິດ-19.

 ຕາມຂ່າວຕ່າງປະເທດລາຍ ງານວ່າ ເຢຍລະມັນເລີ່ມກັບເຂົ້າສູ່ພາວະປົກກະຕິກ້າວທຳອິດດ້ວຍ ການໃຫ້ທຸລະກິດຂະໜາດນ້ອຍເປີດກິດຈະການເປັນເທື່ອທຳອິດໃນຮອບໜຶ່ງເດືອນນັບຕັ້ງແຕ່ວັນທີ 23 ເມສາທີ່ຜ່ານມາ ແລະປະກາດ ວ່າສາມາດຄວບຄຸມພະຍາດໂຄ ວິດ-19 ໄດ້ແລ້ວ ສ່ວນມາດຕະການໃໝ່ທີ່ປະກາດໃນວັນທີ 24 ເມສາວ່າ ຈະໃຫ້ຜູ້ທີ່ຕ້ອງຢຸດວຽກຢູ່ເຮືອນເພາະການແຜ່ລະບາດ ແລະຕາມມາດຕະການຄວບຄຸມພະຍາດຂອງລັດຖະບານຈະໄດ້ຮັບເງິນເດືອນ 70-77% ນັບຕັ້ງແຕ່ເດືອນ ທີ 4 ຂອງການຢຸດວຽກ ຫຼັງຈາກ ນັ້ນຈະເພີ່ມຂຶ້ນເປັນ 80-87% ນັັບຕັ້ງແຕ່ເດືອນທີ 7 ຂອງການ ພັກວຽກສ່ວນຜູ້ທີ່ວ່າງວຽກຈະໄດ້ຮັບສະຫວັດດີການເພີ່ມອີກ 3 ເດືອນໃນປີນີ້ ຂະນະດຽວກັນລັດຖະບານຈະຫຼຸດພາສີມູນຄ່າເພີ່ມໃຫ້ ກັບຜູ້ປະກອອບການຮ້ານອາຫານ ທີ່ປິດກິດຈະການຈາກ 19% ເຫຼືອ 7% ເປັນເວລາ 1 ປີເລີ່ມຕັ້ງແຕ່ ວັນທີ 1 ກໍລະກົດ ແລະຈະໃຫ້ເງິນ ອູດໜູນສູງສຸດ 150 ເອີໂຣໃຫ້ຄອບ ຄົວທີ່ຕ້ອງຊື້ຄອມພີວເຕີໃຫ້ລູກຫຼານຮຽນອອນລາຍຢູ່ເຮືອນ.

ກ່ອນໜ້ານີ້ລັດຖະບານເຢຍລະມັນອອກມາດຕະການຊ່ວຍເຫຼືອເສດຖະກິດລວມແລ້ວປະມານ 1,1 ຕື້ເອີໂຣ ສ່ວນໃຫຍ່ເປັນການທີ່ລັດຄໍ້າປະກັນສິນເຊື່ອໃຫ້ແກ່ຂະແໜງທຸລະກິດເສດຖະກິດເຢຍລະມັນຂະຫຍາຍຕົວມາ 11 ປີຕິດຕໍ່ກັນກ່ອນໂຄວິດ-19 ລະບາດຄາດວ່າການລະບາດຄັ້ງນີ້ຈະເຮັດໃຫ້ເສດຖະກິດເຂົ້າສູ່ພາວະຖົດຖອຍຜົນຜະ ລິດທາງເສດຖະກິດອາດຫົດຕົວ 20% ໂດຍເຢຍລະມັນມີຜູ້ຕິດເຊື້ອໂຄວິດ-19 ແລ້ວ 150.648 ຄົນ ຫຼາຍເປັນອັັນດັບ 4 ຂອງໂລກ ແລະມີຜູ້ເສຍຊີວິດ 5.315 ຄົນ.

__________

ໜັງສືພິມເສດຖະກິດ-ສັງຄົມ

 

แชร์