ສິງກະໂປ ຄາດວ່າ ຈີດີພີ ຈະເຕີບໂຕ -4%

ສິງກະໂປເປີດເຜີຍຜົນກະທົບຈາກພະຍາດໂຄວິດ-19 ອາດ ສົ່ງຜົນເຮັດໃຫ້ເສດຖະກິດຊຸດ ໂຊມຫຼາຍກວ່າເກົ່າທີ່ເຄີຍຄິດໄວ້ ຫຼັງຈາກເດືອນກ່ອນຄາດຈີດີພີ ອາດ-4%.

  ຕາມຂ່າວຕ່າງປະເທດລາຍ ງານວ່າ ທ່ານ ຊານ ຊຸນຊີງ ລັດຖະມົົນຕີກະຊວງການຄ້າ ແລະອຸດສາຫະກຳຂອງສິງກະໂປເປີດເຜີຍວ່າຕົວເລກຜະລິດຕະພັນພາຍໃນ (ຈີດີພີ) ຂອງສິງກະໂປມີທ່າອຽງ ຫຼຸດລົງຢ່າງວ່ອງໄວ ແລະກຳລັງ ເປັນຫ່ວງວ່າ ນີ້ຈະນໍາໄປສູ່ບັນຫາຮ້າຍແຮງຫຼາຍກວ່າກະຊວງຄາດຄະເນໄວ້ໃນເດືອນທີ່ຜ່ານມາ, ຢ່າງ ໃດກໍຕາມ ທ່ານ ຊານ ປະຕິເສດທີ່ ຈະອອກມາເປີດເຜີຍຕົວເລກຄາດ ຄະເນ ຈີດີພີ ຄັ້ງໃໝ່ຢ່າງເປັນທາງ ການພຽງແຕ່ຕັ້ງຂໍ້ສັງເກດວ່າອຸປະສັກໃນເລື່ອງການເຊື່ອມຕໍ່ລະຫວ່າງເສດຖະກິດສຳຄັນທັງຫຼາຍ ຈະເຮັດໃຫ້ຄວາມສາມາດໃນໄລຍະສັ້ນ ແລະໄລຍະຍາວຂອງປະເທດຫຼຸດລົງ.

 ການສະແດງຄວາມເຫັນຄັ້ງນີ້ມີຂຶ້ນຫຼັງຈາກເດືອນທີ່ຜ່ານມາກະຊວງການຄ້າ ແລະອຸດສາຫະກຳ ສິງກະໂປໄດ້ອອກມາປະກາດຫຼຸດຄາດຄະເນການຂະຫຍາຍຕົວຂອງ ຈີດີພີປີ 2020 ລົງສູ່ລະດັບ -4% ເຖິງ -1% ຊຶ່ງເປັນຄັ້້ງທີ່ສອງນັບຕັ້ງແຕ່ເດືອນກຸມພາປີນີ້ ຕາມທີ່ລັດຖະບານສິງກະໂປປະກາດຫຼຸດການຄາດຄະເນຕົວເລກຈີດີພີ ເນື່ອງຈາກຜົນກະທົບຈາກພະຍາດ ໂຄວິດ-19.

-----

ໜັງສືພິມເສດຖະກິດ-ສັງຄົມ

แชร์