ລ້ານຊ້າງຢືນຢູ່ອັນດັບ 3 ຂອງບໍລິສັດປະກັນໄພໃນລາວ

  ບໍລິສັດ ລ້ານຊ້າງປະກັນໄພ ມະຫາຊົນເປັນບໍລິສັດໜຶ່ງທີ່ແຖວໜ້າສະໜອງຄຸ້ມຄອງປະກັນໄພໃຫ້ແກ່ສັງຄົມດ້ວຍຄຸນນະພາບທັງດຳເນີນການວ່ອງໄວສະ ດວກສະບາຍໂດຍຢຶດໝັ້ນບໍລິການທີ່ຈິງໃຈ, ຊື້ສັດ ແລະສ້າງຄວາມເພິ່ງພໍໃຈໃຫ້ແກ່ລູກຄ້າໃນດ້ານປະກັນໄພບໍ່ວ່າຈະເປັນອົງກອນຕ່າງໆ,ນັກທຸລະກິດ, ຊາວຄ້າຂາຍ ແລະ ປະຊາຊົນທົ່ວໄປພ້ອມນັ້ນຍັງໄດ້ສະໜັບສະໜູນທີ່ມີໝາກຜົນຂອງຮຸ້ນສ່ວນຍຸດທະສາດກຸ່ມໄປສະນີດີບີໂດຍຜ່ານກອງທຶນມູນນິທິວັດທະນະທຳ ກິມຈຸນກິເກົາ ຫຼີ ປະກອບສ່ວນຊ່ວຍເຫຼືອສັງຄົມດ້ວຍມູນຄ່າຫຼາຍລ້ານ.

  ທ່ານ ໂດ໋ດັງຄາງ ຜູ້ອຳນວຍ ການໃຫຍ່ບໍລິສັດລ້ານຊ້າງປະກັນໄພມະຫາຊົນ ໄດ້ກ່າວໃນພິທີມອບທຶນສຶກສາໃຫ້ ມຊ ເມື່ອບໍ່ດົນມານີ້ວ່າ: ບໍລິສັດຂອງເຮົາໄດ້ສ້າງຕັ້ງຂື້ນໃນປີ 2010 ໂດຍຮ່ວມມືການລົງທຶນ 2 ຮຸ້ນສ່ວນຄື: ທະນາຄານພັດທະນາລາວດ້ວຍທຶນ 50% ແລະກຸ່ມບໍລິສັດຮຸ້ນສ່ວນປະກັນໄພໄປສະນີຈາກຫວຽດນາມ PTI ດ້ວຍທຶນ 50% ພ້ອມນັ້ນຍັງໄດ້ຮຸ້ນສ່ວນຍຸດທະສາດກັບກຸ່ມປະກັນໄພ DB ເປັນບໍລິສັດປະກັນໄພທີ່ໃຫ່ຍທີ່ສຸດໃນເກົາ ຫຼີ ຜ່ານການດຳ ເນີນທຸລະກິດມາຮອດປະຈຸບັນການເຄື່ອນໄຫວບໍລິສັດຂອງເຮົາມີຄວາມພາກພູມໃຈທີ່ສາມາດຢືນໃນອັນດັບສາມຂອງບໍລິສັດປະກັນໄພທີ່ໃຫ່ຍທີ່ສຸດໃນລາວ ທັງທົ່ວລະບົບມີຫຼາຍກວ່າ 200 ຕົວແທນ, ມີ 2 ສາຂາ ແລະມີລູກຄ້າເຂົ້າໃຊ້ບໍລິການ 1 ແສນກວ່າຄົນຊຶ່ງປະກອບສ່ວນການບໍລິການປະກັນໄພທີ່ມີຄຸນນະ ພາບມີ 4 ກຸ່ມຜະລິດຕະພັນຫຼັກຄື: ປະກັນໄພຍານພາຫະນະ, ປະກັນໄພສ່ວນບຸກຄົນ, ປະກັນໄພເຕັກນິກ ແລະ ປະກັນໄພສິນຄ້າ.

  ຄຽງຄູ່ນັ້ນຍັງເປັນບໍລິສັດລ້ານຊ້າງປະກັນໄພທີ່ໃຫ້ການຊ່ວຍເຫຼືອ ແລະສະໜັບສະໜູນທີ່ມີໝາກຜົນຂອງຮຸ້ນສ່ວນຍຸດທະສາດກຸ່ມໄປສະນີດີບີໂດຍຜ່ານກອງທຶນມູນນິ ທິວັດທະນະທຳ ກິມຈຸນກິ ເກົາຫຼີ ລ່າສຸດໃນປີ 2019 ໄດ້ເຄື່ອນໄຫວສະໜັບສະໜູນຊ່ວຍເຫຼືອດ້ວຍການມອບທຶນການສຶກສາໃຫ້ມະຫາວິທະຍາໄລແຫ່ງຊາດໃນມູນຄ່າ 56 ລ້ານກວ່າກີບໃນນັ້ນສະເພາະມອບເງິນສົດຊ່ວຍເຫຼືອໃຫ້ບັນດານ້ອງໆນັກສຶກສາທີ່ເປັນນັກຮຽນເກັງດີເດັ່ນແມ່ນ 10 ຄົນ ໂດຍໃຫ້    ທຶນຜູ້ລະ 4 ລ້ານກີບພ້ອມນັ້ນຍັງໄດ້ມອບເຄື່ອງອຸປະກອນໄອທີໃຫ້ແກ່ໃຫ້ທາງ ມຊ ອີກດ້ວຍເຊັ່ນ: ໂທລະພາບສີ 55 ນີ້ວ ແລະເຄື່ອງດົນຕີມູນຄ່າ 16 ລ້ານກວ່າກີບ.

  ນອກນັ້ນຍັງໄດ້ຊ່ວຍເຫຼືອມອບປະກັນໄພ ແລະເຂົ້າສານໃຫ້ແກ່ປະຊາຊົນບ້ານວັດຫຼວງ ແລະບ້ານປາກຊ່ອງທີ່ແຂວງຈຳປາສັກການມອບໃນຄັ້ງນີ້ບໍລິສັດລ້ານຊ້າງປະກັນໄພໄດ້ນຳເອົາແພັກແກັດປະກັນໄພອຸປະຕິເຫດມູນຄ່າ 20 ພັນ ໂດລາ ເທົ່າກັບ 170 ລ້ານກີບໃຫ້ກັບ 901 ຄອບຄົວມີຫຼາຍກວ່າ 4,5 ຄົນ ໃນ 2 ໝູ່ບ້ານຄື: ບ້ານປາກຊ່ອງ ແລະບ້ານວັດຫຼວງໂດຍປະກັນໄພລ້ານຊ້າງຈະຈ່າຍໃຫ້ແຕ່ລະຄົນດ້ວຍວົງເງິນສູງສຸດ 10 ລ້ານກີບຕໍ່ຄົນເມື່ອມີເກີດອຸປະຕິເຫດ ພ້ອມດຽວກັນນັ້ນປະກັນໄພລ້ານຊ້າງ ແລະກອງທຶນມູນນິທິວັດທະນະທຳກິມຈຸນກິຍັງໄດ້ມອບເຂົ້າສານຈໍານວນ 5 ພັນກິ ໂລເພື່ອເປັນການຊ່ວຍເຫຼືອລ້າໃຫ້ປະຊາຊົນໃນສອງບ້ານ.

แชร์