ກຸ່ມບໍລິສັດຮ່ວມມືເສດຖະກິດທະຫານເຂດ 4 ມອບອຸປະກອນການແພດເພື່ອຕ້ານໂຄວິດ-19

  ກຸ່ມບໍລິສັດຮ່ວມມືເສດຖະກິດທະຫານເຂດ 4 ແຫ່ງ ສສ ຫວຽດນາມ ໄດ້ນຳເອົາອຸປະກອນການແພດມາມອບຊ່ວຍເຫຼືອໃຫ້ ແຂວງສະຫວັນນະເຂດ ເພື່ອນຳໃຊ້ເຂົ້າໃນວຽກງານສະກັດກັ້ນ ແລະຄວບຄຸມການແຜ່ລະບາດຂອງພະຍາດໂຄວິດ-19.


  ພິທີມອບ-ຮັບເຄື່ອງຊ່ວຍເຫຼືອໄດ້ຈັດຂຶ້ນໃນຕອນເຊົ້າວັນທີ 22 ເມສາ 2020 ທີ່ຫ້ອງວ່າການປົກຄອງແຂວງສະຫວັນນະເຂດຊຶ່ງຕາງໜ້າມອບໂດຍທ່ານ ຫງຽນ ຮຸຍ ຈຸງ ແລະໃຫ້ກຽດຮັບໂດຍທ່ານ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ຊຶ່ງອຸປະກອນການແພດທີ່ທາງກຸ່ມບໍລິສັດຮ່ວມມືເສດຖະກິດທະຫານເຂດ 4 ນຳມາມອບໃຫ້ໃນຄັ້ງນີ້ປະກອບມີ: ຜ້າອັດປາກ 10.000 ແຜ່ນ,ເຈວລ້າງມືຈຳນວນ 500 ກ່ອງ,ຊຸດປ້ອງກັນຂອງແພດໝໍ 100 ຊຸດ ແລະນໍ້າຢາຂ້າເຊື້ອ 90 ກິໂລ, ລວມມູນຄ່າທັງໝົດ 98,5 ລ້ານດົງ.

--------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์