ຊາວໜຸ່ມແຂວງສະຫວັນນະເຂດ ມອບເຄື່ອງຊ່ວຍເຫຼືອຕ້ານໂຄວິດ-19 ເມືອງໄຊພູທອງ

  ວັນທີ 22 ເມສາ 2020, ທ່ານ ນາງ ບັງອອນ ພິມມະສອນ ຮອງເລຂາຂາຄະນະບໍລິຫານງານຊາວໜຸ່ມແຂວງສະຫວັນນະເຂດ ພ້ອມດ້ວຍທິມງານອາສາສະໝັກ ຊາວໜຸ່ມແຂວງຕ້ານພະຍາດໂຄ ວິດ 19 ໄດ້ນໍາເອົານົມໄວຕາມີວຈໍາ ນວນ 12 ແກັດ ແລະນໍ້າດື່ມຈໍານວນ 7 ແຟັກ ລວມມູນຄ່າທັງໝົດ 1,5 ລ້ານກີບ, ມາມອບໃຫ້ເມືອງໄຊພູ ທອງ ເພື່ອປະກອບສ່ວນເຂົ້າໃນ ການເພື່ອປະກອບສ່ວນຊຸກຍູ້ວຽກ ງານສະກັດກັ້ນ ແລະ ປ້ອງກັນ ການລະບາດຂອງພະຍາດອັກເສບ ປອດຈາກເຊື້ອຈຸລະໂລກສາຍພັນໃໝ່ ຫຼື COVID-19, ໂດຍໃຫ້ກຽດກ່າວຮັບຂອງທ່ານ ຄໍາວິໃສ ຜຸຍຍະວົງ ເລຂາຄະນະບໍລິຫານງານພັກເມືອງເຈົ້າເມືອງໄຊພູທອງໂດຍຊ່ອງໜ້າຄະນະສະເພາະກິດຂັ້ນເມືອງໄຊພູທອງເຂົ້າຮ່ວມ.


  ຈາກນັ້ນ, ທາງຄະນະທີມງານຊາວໜຸ່ມອາສາສະໝັກແຂວງກໍ່ໄດ້ທໍາການຝົ່ນຢາຂ້າເຊື້ອຢູ່ພາຍໃນສໍານັກງານຫ້ອງວ່າການປົກ ຄອງເມືອງໄຊພູທອງ ເປັນຕົ້ນແມ່ນ ສີດຢາຂ້າເຊື້ອຢູ່ຫ້ອງສະໂມສອນ ຂອງເມືອງ ແລະບັນດາຫ້ອງການ ຕ່າງໆພາຍໃນເມືອງຕື່ມອີກ ໂອ ກາດນີ້ ທ່ານ ຄໍາວິໃສ ຜຸຍຍະວົງ ເຈົ້າເມືອງໄຊພູທອງ ກໍ່ໄດ້ກ່າວສະ ແດງຄວາມຂອບໃຈມາຍັງທີມງານງາວໜຸ່ມແຂວງສະຫວັນນະເຂດທີ່ໄດ້ນໍາເອົາເຄື່ອງມາຊ່ວຍເຫຼືອໃຫ້ເມືອງໄຊພູທອງໃນຄັ້ງນີ້ເພື່ອເປັນການປະກອບສ່ວນຊ່ວຍເຫຼືອ ຕ້ານພະຍາດໂຄວິດ-19, ສ່ວນ ເຄື່ອງຊ່ວຍເຫຼືອຈໍານວນດັ່ງກ່າວ ແມ່ນຈະໄດ້ລົງໄປມອບໃຫ້ບັນດາຈຸດກວດກາຕ່າງໆພາຍໃນເມືອງ.


  ສໍາລັບຢູ່ເມືອງໄຊພູທອງມີສູນ ກັກກັນບໍລິເວນທັງໝົດມີ 46 ແຫ່ງປະຈຸບັນເມືອງໄຊພູທອງຍັງມີ ແຮງງານທັງໝົດ 2.507 ຄົນ, ຍິງ1.246 ຄົນ, ຈໍານວນຜູ້ຄົບກໍາ ນົດ 14 ວັນອອກກັບຄືນຄອບຄົວມີ 2.504 ຄົນ, ຍິງ1.244 ຄົນ, ຈໍາ ນວນຄ້າງສູນ 3 ຄົນ, ຍິງ2 ຄົນ, ປະຈຸບັນຍັງສູນກັກກັນພຽງແຕ່ 1 ສູນຄື: ສູນບ້ານນາໂມງ ຊຶ່ງທາງເຈົ້າໜ້າທີ່ກວດກາຄະນະສະເພາະກິດຂັ້ນເມືອງໄຊພູທອງແມ່ນໄດ້ ເອົາໃຈໃສ່ໃນການຄວມຄຸມ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໂຄວິດ-19 ດ້ວຍຄວາມຮັບຜິດຊອບສູງ.

_____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์