ການນໍາເມືອງໄຊບູລີ ລົງຕິດຕາມການສ້ອມແປງຂົວຂ້າມຫ້ວຍລະມຶນ

  ໃນວັນທີ 20 ເມສາ ຜ່ານມາ ການນໍາຂອງເມືອງໄຊບູລີ ໄດ້ລົງຕິດຕາມຊຸກຍູ້ຂະບວນການສ້ອມແປງຂົວຂ້າມຫ້ວຍລະມຶນ ບ້ານ ສະຫວ່າງ ເມືອງໄຊບູລີ ແຂວງ ສະຫວັນນະເຂດ ນໍາໂດຍທ່ານ ອ່ອນລໍາພັນ ບົວສີແກ້ວ ເຈົ້າເມືອງ ໄຊບູລີ ພ້ອມຄະນະ.

  ໃນການສ້ອມແປງຂົວໃນຄັ້ງນີ້ ກໍເພື່ອເປັນການຍົກລະດັບຂົວໃຫ້ ສູງຂຶ້ນກວ່າເກົ່າພາຍຫຼັງທີ່ຂົວດັ່ງກ່າວໄດ້ຊຸດຕົວລົງເນື່ອງຈາກໄດ້ ຮັບຜົນກະທົບຈາກໄພນໍ້າຖ້ວມໃນ ຊ່ວງໄລຍະລະດູຝົນທີ່ຜ່ານມາຈົນ ໄດ້ຮັບຜົນເສຍຫາຍຢ່າງໜັກໜ່ວງ, ສະນັ້ນຕົກມາໃນລະດູແລ້ງ, ອໍານາດການປົກຄອງບ້ານ, ເຖົ້າແກ່ແນວໂຮມ, ແມ່ຍິງ, ຊາວໜຸ່ມ ແລະ ພໍ່ແມ່ປະຊາຊົນບ້ານສະຫວ່າງ ແລະ ບ້ານທີ່ໃກ້ຄຽງ ຈຶ່ງໄດ້ຮ່ວມແຮງ ຮ່ວມໃຈກັນທຸ້ມເຫື່ອເທແຮງພ້ອມກັນລະດົມທຶນເຂົ້າໃນການກໍ່ສ້າງ ສ້ອມແປງຂົວຄືນໃໝ່ເພື່ອໃຫ້ໄດ້ ຕາມມາດຕະຖານ.

  ຂົວຂ້າມຫ້ວຍລະມຶນ ເປັນຂົວ ເບເລເຮັດດ້ວຍເຫຼັກມີຄວາມຍາວ 27 ແມັດ, ກວ້າງ 4,2 ແມັດ ຊຶ່ງໂຄງການດັ່ງກ່າວມີມູນຄ່າໃນການ ກໍ່ສ້າງທັງໝົດ 10,56 ລ້ານກີບ ໂດຍໄດ້ເທເສົາເບຕົງເພື່ອຍົກລະດັບຂົວໃຫ້ສູງຂຶ້ນກວ່າເກົ່າເພື່ອຮັບ ປະກັນການຊຸດຕົວຂອງຂົວດັ່ງກ່າວ ແລະໃຫ້ມີຄວາມແໜ້ນໜາ ຖາວອນ, ໂອກາດນີ້ການນໍາຂັ້ນ ເມືອງກໍຍັງໄດ້ມອບປູນຊີມັງຈໍາ ນວນ 3 ໂຕນ, ລວມມູນຄ່າ 1,95 ລ້ານກີບ ປະກອບສ່ວນເຂົ້າໃນ ການກໍສ້າງສ້ອມແປງຂົວດັ່ງກ່າວ ທັງນີ້ກໍເພື່ອເຮັດໃຫ້ການສັນຈອນໄປມາຫາສູ່ກໍຄືການແລກປ່ຽນສິນ ຄ້າລະຫວ່າງບ້ານຕໍ່ບ້ານ, ບ້ານຕໍ່ ເມືອງຂອງພໍ່ແມ່ປະຊາຊົນບ້ານສະຫວ່າງ  ແລະບ້ານໃກ້ຄຽງມີຄວາມສະດວກສະບາຍຂຶ້ນກວ່າເກົ່າ.

 ຈາກນັ້ນ, ທ່ານເຈົ້າເມືອງໄຊບູ ລີ ພ້ອມຄະນະກໍໄດ້ລົງຕິດຕາມເບິ່ງ ການເຝົ້າລະວັງ ແລະສະກັດກັ້ນການແຜ່ລະບາດພະຍາດ  COVID-19 ຢູ່ຈຸດດ່ານກວດກາດ່ານທີ 2 ດ່ານປາກເຊບັ້ງໄຟນຳອີກ.

------

ໜງສືພິມເສດຖະກິດ-ສັງຄົມ

แชร์