ຮອງປະທານປະເທດຢ້ຽມຢາມສະໜາມຝຶກຊ້ອມກີລາຍິງປືນ 5 ເມສາ

  ວັນທີ 2 ກຸມພາ ຜ່ານມາ ທີ່ສະໜາມກີລາຍິງປືນ 5 ເມສາ ບ້ານນາສ້າງໄພ ເມືອງໄຊເຊດຖາ ນະຄອນຫຼວງວຽງຈັນ ທ່ານ ພັນຄຳ ວິພາວັນ ຮອງປະທານປະເທດພ້ອມດ້ວຍຄະນະຢ້ຽມຢາມຊົມສະໜາມ ຝຶກຊ້ອມກີລາຍິງປືນ 5 ເມສາ ໃຫ້ກຽດຕ້ອນຮັບໂດຍທ່ານ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ (ປກສ) ແລະທ່ານ ປິຊາໄຊ ແກ້ວໄຊຍະຈັກ ປະທານບໍລິສັດບໍລິການຝຶກຊ້ອມກີ                                                      ລາຍິງປືນຈຳກັດພ້ອມດ້ວຍບັນດາ ຮອງລັດຖະມົນຕີ ປກສ, ຮອງລັດຖະມົນຕີກະຊວງສຶກສາທິການ ແລະ ກີລາ, ບັນດາຫົວໜ້າກົມ-ຮອງຫົວໜ້າກົມ, ຫ້ອງການ, ຄະນະອຳນວຍການສະໜາມຝຶກຊ້ອມຍິງປືນ 5 ເມສາ ແລະພະນັກງານທີ່ກ່ຽວຂ້ອງເຂົ້າຮ່ວມ.

ທ່ານ ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງ ປກສ ລາຍງານໃຫ້ຮູ້ວ່າ: ສະໜາມ ຝຶກຊ້ອມກີລາຍິງປືນ 5 ເມສາ  ແຫ່ງນີ້ໄດ້ສ້າງຕັ້ງຂຶ້ນມາແຕ່ປີ 2015 ເປັນສະໜາມຮ່ວມກັນລົງທຶນຂອງກົມໃຫຍ່ພາລາທິການກະຊວງ ປກສ ຖືຮຸ້ນ 30% ແລະບໍລິສັດທີ່ປຶກສາດ້ານລົງທຶນ ແລະກໍ່ສ້າງເຂື່ອນໄຟຟ້າຈຳກັດຜູ້ດຽວຖືຮຸ້ນ 70% ໃນນັ້ນ ໄດ້ລົງມືກໍ່ສ້າງ ແລະອາຄານ 2 ລ້ານໂດລາ ຊື້ວັດຖຸອຸປະກອນຕ່າງໆ 2 ລ້ານໂດລາ  ທຶນໝູນວຽນ 1  ລ້ານໂດລາສະຫະລັດ, ບໍລິສັດລົງທຶນ 100% ແຕ່ການຈັດຕັ້ງປະຕິບັດ ຕົວຈິງຫຼາຍກວ່ານັ້ນປະຈຸບັນມີພະ ນັກງານທັງໝົດ 87 ຄົນ,ຍິງ 35 ຄົນ ສັນຊາດໄທ 1 ຄົນ, ສັນຊາດຈີນ 7 ຄົນ, ຍິງ 2 ຄົນ, ສັນຊາດເນປານ 1 ຄົນ, ໃນນັ້ນມີພະນັກງານ ວິຊາການຈາກກົມໃຫຍ່ພາລາທິ ການ 2 ຄົນ, ພະນັກງານປ້ອງກັນຈາກກອງບັນຊາການປ້ອງກັນ ເຄື່ອນທີ່ 16 ຄົນ, ປະກອບມີ 6 ພະແນກ 8 ໜ່ວຍງານຂຶ້ນກັບພາຍໃນສະໜາມກີລາຍິງປຶນ 5 ເມສາ ປະກອບມີສະໜາມຍິງປືນສັ້ນ 25 ແມັດ ຈຳນວນ 20 ຊ່ອງຍິງ, ສະໜາມຝຶກຊ້ອມຍິງປືນຍາວ 50 ແມັດ 10 ຊ່ອງຍິງ, ສະໜາມຝຶກຊ້ອມຍິງປືນຍາວ 100 ແມັດ 10 ຊ່ອງຍິງ, ສະໜາມຝຶກຊ້ອມຍິງປືນຍາວ 200 ແມັດ 10 ຊ່ອງຍິງ, ສະໜາມຝຶກຊ້ອມກີລາຍິງປືນໄອພີເອັດຊີ 35 ສະໜາມ, ສະໜາມຝຶກຊ້ອມຍິງເປົ້າບິນ 1 ສະໜາມ, ສະໜາມຝຶກຊ້ອມຍິງທະນູ 1 ສະໜາມ ແລະສະໜາມຫຼິ້ນປຶນສີ  (ເຟຣນບອນ) 2 ສະໜາມ. 

ໃນໂອກາດດຽວກັນທ່ານ ພັນຄຳ ວິພາວັນ ໄດ້ກ່າວວ່າ: ການມາຢ້ຽມຢາມສະໜາມຝຶກຊ້ອມກີລາຍິງປືນ 5 ເມສາ ໃນຄັ້ງນີ້ມີຄວາມຮູ້ສຶກດີໃຈຫຼາຍສະນັ້ນເພື່ອເປັນທິດ ທາງໃຫ້ແກ່ການຈັດຕັ້ງປະຕິບັດໃນຕໍ່ໜ້າຂໍໃຫ້ເນັ້ນບາງບັນຫາຕົ້ນຕໍກໍ່ຄື ຕ້ອງປະຕິບັດໃຫ້ໄດ້ຕາມແນວທາງ, ແຜນນະໂຍບາຍຂອງພັກ, ລະບຽບ ກົດໝາຍຂອງລັດ, ບັນດາມະຕິ, ຄຳສັ່ງ, ຂໍ້ກຳນົດ, ກົດລະບຽບຕ່າງໆທີ່ກ່ຽວພັນກັບທຸລະກິດຂອງຕົນຢ່າງ ເຂັ້ມງວດ, ກະຊວງ ປກສ ແລະບໍລິສັດດັ່ງກ່າວຕ້ອງປະສານກົມກຽວກັນ, ເຮັດວຽກຮ່ວມກັນ, ແບ່ງງານ, ແບ່ງການຄຸ້ມຄອງກັນຢ່າງລະອຽດ ແລະສາມາດກວດກາໄດ້ທຸກເມື່ອ ເມື່ອມີຄວາມຕ້ອງການຂອງຂັ້ນເທິງ; ການຄຸ້ມຄອງການເຄື່ອນໄຫວ ຕ້ອງເຂັ້ມງວດຕາມລະບຽບການ ແລະຂໍ້ກຳນົດຕ່າງໆທີ່ວາງອອກ, ການບໍລິການຕ້ອງຮັບປະກັນຄວາມ ປອດໄພ 100% ແທ້ໆເພາະມັນແຕະຕ້ອງເຖິງຊີວິດອິນຊີຂອງພວກເຮົາ, ຄົ້ນຄວ້າບັນຫາສຽງປືນດັງ ແລະບັນຫາອື່ນໆເທົ່າທີ່ເຮັດໄດ້ເພາະຜ່ານມາມີປະຊາຊົນຈຳນວນໜຶ່ງຍັງສົ່ງຂ່າວຫາການຈັດຕັ້ງ ແລະຂັ້ນເທິງຊ່ວຍແກ້ໄຂຕໍ່ກັບສຽງທີ່ກະທົບອອກພາຍນອກ ແລະສືບຕໍ່ປະກອບສ່ວນທຶນຮອນພັດທະນາເສດຖະ ກິດ-ສັງຄົມ ພັດທະນາກຳລັງວິຊາສະເພາະຂອງກະຊວງ ປກສ, ວຽກງານກີລາແຫ່ງຊາດ, ການທ່ອງທ່ຽວ ແລະສັງຄົມໃຫ້ນັບມື້ຫຼາຍຂຶ້ນ ກວ່າເກົ່າ.

แชร์