ເຕືອນປະຊາຊົນທົ່ວໂລກຈະທຸກຍາກເພີ່ມຂຶ້ນ 2 ເທົ່າ

 ໂຄງການອະນາໄມໂລກລະບຸວ່າປະຊາກອນໂລກຈຳນວນ 265 ລ້ານຄົນ ຈະຕ້ອງຜະເຊີນກັບຄວາມທຸກຍາກຢ່າງໜັກຈາກຜົນກະທົບທາງເສດຖະກິດຍ້ອນການແຜ່ລະບາດຂອງເຊື້ອໄວຣັດໂຄວິດ-19.

 ຕາມຂ່າວຕ່າງປະເທດລາຍງານວ່າ ໂຄງການອາຫານໂລກ ແລະສະຫະພາບເອີຣົບໄດ້ຊີ້ແຈ້ງວ່າ: ປະຈຸບັນ, ປະຊາຊົນ 135 ລ້ານຄົນ ພວມຜະເຊີນກັບຄວາມບໍ່ໝັ້ນຄົງດ້ານອາຫານຢ່າງຮຸນແຮງເນື່ອງຈາກ ການປ່ຽນແປງຂອງສະພາບພູມອາກາດ ແລະວິກິດເສດຖະກິດ. ຄາດວ່າຕົວເລກ ດັ່ງກ່າວ ຈະເພີ່ມຂຶ້ນເປັນ ສອງເທົ່າໃນທ້າຍປີນີ້, ຍ້ອນຈຳນວນຜູ້ວ່າງງານໄດ້ເພີ່ມຂຶ້ນແຕ່ຈຳນວນຊົ່ວໂມງການເຮັດວຽກຫຼຸດລົງຈາກ ການປິດເມືອງ ເພື່ອຄວບຄຸມການແຜ່ລະບາດຂອງພະຍາດນີ້ຢູ່ທົ່ວໂລກໂດຍສະເພາະປະເທດອາຟຣິກາ, ປະຊາກອນຈຳນວນຫຼວງຫຼາຍພວມຜະເຊີນກັບບັນຫາການຂາດແຄນອາຫານຢູ່ແລ້ວຈະໄດ້ຮັບຜົນກະທົບຢ່າງຮຸນແຮງທີ່ສຸດ.

 ລາຍງານຂອງວິກິດອາຫານໂລກຂອງດັບເບິລຢູເອຟພີ ເປີດເຜີຍວ່າ ຄວາມບໍ່ໝັ້ນຄົງດ້ານອາຫານສູງຂຶ້ນ ໃນປີທີ່ຜ່ານມາ ແລະຄາດຄະເນວ່າວິກິດການແຜ່ລະບາດຂອງພະຍາດໂຄວິດ-19 ຈະເຮັດໃຫ້ສະຖານະການຮ້າຍແຮງຂຶ້ນກວ່າ

------

ໜັງສືພິມເສດຖະກິດ-ສັງຄົມ

แชร์