ຫວຽດນາມສົ່ງອອກເຂົ້າເພີ່ມແສນໂຕນ

  ລັດຖະບານຂອງ ສສ ຫວຽດນາມ ເພີ່ມປະລິມານໃນການສົ່ງ ອອກເຂົ້າໃນເດືອນເມສານີ້ຕື່ມອີກ 1 ແສນໂຕນເປັນ 5 ແສນໂຕນ ຫຼັງຈາກໂຈະສົ່ງອອກໃນທ້າຍເດືອນມີນາ ເພາະເປັນຫ່ວງວ່າ ສະບຽງອາຫານ ໃນປະເທດຈະຂາດແຄນທ່າມກາງວິກິດພະຍາດລະບາດໂຄວິດ-19.

  ຕາມຂ່າວຕ່າງປະເທດລາຍງານວ່າ ກະຊວງການຄ້າ ແລະອຸດສາຫະການຄ້າຂອງຫວຽດນາມອອກຖະແຫຼງການໃນວັນທີ 22 ເມສາທີ່ ຜ່ານມາ ເລື່ອງການເພີ່ມໂກຕາການສົ່ງອອກເຂົ້າປະຈໍາເດືອນເມສາຈາກ 4 ແສນໂຕນເປັນ 5 ແສນໂຕນ ໂດຍກະຊວງຢູ່ລະຫວ່າງການເຮັດແຜນການສົ່ງອອກເຂົ້າປະຈຳເດືອນພຶດສະພາ ແລະມີກຳນົດນໍາສະເໜີຕໍ່ກອງປະຊຸມຄະນະລັດຖະມົນຕີໃນເດືອນພຶດສະພານີ້ ທັງນີ້ ອັດຕາສ່ວນການສົ່ງອອກທີ່ເພີ່ມຂຶ້ນອີກ 1 ແສນໂຕນ ມາຍັງທ່າເຮືອກ່ອນວັນທີ 24 ມີນາທີ່ ຜ່ານມາ ຫຼື ໜຶ່ງວັນກ່ອນທີ່ທ່ານ ຫງວຽນ ຊວນຟຸກ ນາຍົກກລັດຖະມົນຕີຫວຽດນາມປະກາດໂຈະສົ່ງອອກເຂົ້າຊົ່ວຄາວ ເພື່ອໃຫ້ໝັ້ນໃຈວ່າ ຫວຽດນາມມີເຂົ້າພຽງພໍບໍລິໂພກພາຍໃນປະເທດທ່າມກາງວິກິດການ ແຜ່ລະບາດຂອງເຊື້ອພະຍາດໂຄວິດ-19.

  ຢ່າງໃດກໍຕາມ ລັດຖະບານຫວຽດນາມຍັງຈຳກັດໂກຕາການສົ່ງອອກ ເຂົ້າໜຽວ ຊຶ່ງທາງແຂວງລອງອານທີ່ເປັນພື້ນທີ່ຜະລິດເຂົ້າໜຽວລາຍໃຫຍ່ ທີ່ສຸດຢືນຄຳຮ້ອງຕໍ່ກະຊວງການຄ້າ ແລະອຸດສາຫະກຳໃນທ້າຍອາທິດທີ່ ຜ່ານມາຂໍໃຫ້ມີການພິຈາລະນາຍົກເລີກ ຫຼື ຜ່ອນຜັນການສົ່ງອອກເຂົ້າໜຽວ ເນືື່ອງຈາກວ່າຫວຽດນາມມີເຂົ້າໜຽວສຳຮອງຢູ່ປະມານ 56 ພັນໂຕນ.

--------

ໜັງສືພິມເສດຖະກດ-ສັງຄົມ

แชร์