JDB ມອບເຄື່ອງຊ່ວຍຈໍາປາສັກຕ້ານ COVID-19

 ໃນວັນທີ 22 ເມສາ 2020 ຢູ່ທີ່ສໍານັກງານໃຫຍ່ທະນາຄານຮ່ວມພັດທະນາ JDB ໄດ້ມີພິທີມອບ-ຮັບ ເຄື່ອງຊ່ວຍເຫຼືອເຊີ່ງປະກອບມີເຄື່ອງແທກອຸນຫະພູມຈໍານວນ 40 ເຄື່ອງມູນຄ່າ 40 ລ້ານກີບ ພ້ອມດ້ວຍເງິນສົດ 60 ລ້ານກີບລວມມູນຄ່າທັງໝົດ 100 ລ້ານກີບ ຈາກກອງທຶນຮ່ວມໃຈຂອງທະນາຄານຮ່ວມພັດທະນາເພື່ອຊື້ອຸປະ ກອນການແພດຕ້ານການລະບາດຂອງ COVID-19 ໃຫ້ແຂວງຈໍາປາສັກ.

 ໂດຍການກ່າວມອບໂດຍທ່ານ ເອກະພັນ ພະພິທັກ ປະທານສະພາບໍລິ ຫານທະນາຄານຮ່ວມພັດທະນາ JDB ແລະກ່າວຮັບໂດຍທ່ານ ປອ. ວິໄລວົງ  ບຸດດາຄໍາ ຜູ້ຮັກ ສາການເຈົ້າແຂວງຈໍາປາສັກໂດຍການຊ້ອງໜ້າຜູ້ບໍລິຫານທະນາຄານຮ່ວມພັດທະນາ, ແລະການນໍາແຂວງຈໍາປາສັກກໍໄດ້ເຂົ້າຮ່ວມເປັນສັກຂີພິຍານ.

  ເພື່ອເປັນການປະກອບສ່ວນຕໍ່ຕ້ານໂຄວິດ-19 ທະນາຄານຮ່ວມພັດທະນາ JDB ຈຶ່ງເຫັນໄດ້ຄວາມອັນຕະລາຍຈາກການຕິດເຊື້ອພະຍາດສາຍພັນໃໝ່ທີ່ພວມລະບາດຢູ່ຫຼາຍປະເທດທົ່ວໂລກໃນນັ້ນ ສປປ ລາວ ເຮົາກໍມີຜູ້ຕິດເຊື້ອຈາກພະຍາດດັ່ງກ່າວແລ້ວ.

   ໂດຍເຫັນໄດ້ຄວາມສໍາຄັນດັ່ງກ່າວໃນວັນທີ່ 10 ເມສາ 2020 ກອງທຶນຮ່ວມໃຈຂອງທະນາຄານຮ່ວມພັດທະນາ JDB ໄດ້ເປີດໃຫ້ຜູ້ບໍລິຫານ, ພະນັກງານທະນາ ຄານຮ່ວມພັດທະນາໄດ້ຮ່ວມສົມທົບທຶນໃນຄັ້ງນີ້ຜ່ານບັນຊີກອງທຶນຮ່ວມໃຈ, ໂອກາດນີ້ທ່ານ ປອ. ວິໄລວົງ ບຸດດາຄໍາ ຜູ້ຮັກສາການ ເຈົ້າແຂວງຈໍາປາສັກໄດ້ກ່າວສະແດງ ຄວາມຂອບອົກຂອບໃຈມາຍັງທະນາຄານຮ່ວມພັດທະນາທີ່ໄດ້ຊ່ວຍເຫຼືອໃນຄັ້ງນີ້ເປັນການປະກອບສ່ວນຊ່ວຍເຫຼືອສັງຄົມລາວເວົ້າລວມເວົ້າສະເພາະກໍ່ຄືຊ່ວຍເຫຼືອພໍ່ແມ່ປະຊາຊົນບັນດາເຜົ່າພາຍໃນແຂວງຈໍາປາສັກຫວັງວ່າໂອກາດໜ້າຈະໄດ້ຮັບການຊ່ວຍເຫຼືອດ້ານຕ່າງໆ ຈາກທະນາຄານຮ່ວມພັດທະນາ JDB ຕື່ມອິກ.

----------------

ຂຽນໂດຍ: ຄໍາຕົ້ນ ວໍລະຈັກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์