ອາເມລິກາອະນຸມັດງົບ 19 ຕື້ໂດລາ ຊ່ວຍຊາວກະສິກອນ

 ທ່ານ ໂດນັລ ທຣຳ ປະທານາ ທິບໍດີຂອງອາເມລິກາອະນຸມັດງົບປະມານ 19 ຕື້ໂດລາສະຫະລັດ ຊ່ວຍເຫຼືອຊາວກະສິກອນ ແລະປະຊາຊົນອາເມລິກາທີ່ໄດ້ຮັບຜົນກະທົບຈາກພະຍາດໂຄວິດ-19 ໂດຍ ງົບປະມານທັງໝົດຈະແບ່ງເປັນ ເງິນຊ່ວຍເຫຼືອ 16 ຕື້ໂດລາ.

  ຕາມຂ່າວຕ່າງປະເທດລາຍ ງານວ່າ ທ່ານ ຊອນນີ ເພີດູ ລັດຖະມົນຕີກະຊວງກະສິກຳອາເມລິກາກ່າວວ່າກະຊວງຈະຮ່ວມມືກັບບໍລິສັດໃນມົນທົນຕ່າງໆໃນອາເມລິກາ ໂດຍຈະໃຊ້ງົບປະມານ 3 ຕື້ໂດລາ ໃນການຊື້ຜົນຜະລິດທາງກະສິກຳເພື່ອນໍາໄປແຈກຈ່າຍໃຫ້ທະນາຄານອາຫານ, ໂບດ ແລະຊ່ວຍເຫຼືອປະຊາຊົນທີ່ກະຈາຍຢູ່ທົ່ວປະເທດ ທ່າມກາງສະຖານະການການວ່າງ ວຽກຂອງຄົນອາເມລິກາຫຼາຍລ້ານ ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ນອກຈາກນີ້ກະຊວງກະສິກໍາຂອງອາເມລິກາຈະໃຊ້ງົບປະມານອີກ 300 ລ້ານໂດລາ ໃນການຊື້ຜົນຜະລິດທາງກະສິກຳ 3 ປະເພດ ຄື: ຜັກໝາກໄມ້ສົດ, ຜະລິດຕະພັນຈາກນົມ ແລະຜະລິດຕະພັນປະເພດຊີ້ນສັດຈາກຊາວກະສິກອນທ້ອງຖິ່ນ.

 ນອກຈາກນີ້ ລັດຖະມົນຕີກະຊວງກະສິກຳອາເມລິກາຍັງກ່າວ ຕື່ມວ່າ ການຈ່າຍເງິນຊ່ວຍເຫຼືອ 16 ຕື້ໂດລາ ໃຫ້ກັບຊາວກະສິກອນຈະໄວທີ່ສຸດເທົ່າທີ່ຈະເປັນໄປໄດ້ເພາະຊາວກະສິກອນທົ່ວປະເທດ ກຳລັງປະເຊີນກັບການສູນເສຍຄັ້ງໃຫຍ່ທີ່ບໍ່ເຄີຍເກີດຂຶ້ນມາກ່ອນ.

-------

ໜັງສືພິມເສດຖະກິດ-ສັງຄົມ

แชร์