ເສດຖະກິດຝຣັ່ງຈະເຕີບໂຕຫຼຸດລົງ 8%

  ທ່ານ ຟີລິບ ນາຍົກລັດຖະມົນຕີຝຣັ່ງກ່າວວ່າ, ປີນີ້ຝຣັ່ງຈະປະເຊີນໜ້າກັບເສດຖະກິດຊຸດ ໂຊມລົງຢ່າງໜັກໜ່ວງທີ່ສຸດແຕ່ປີ 1945 ເປັນ ຕົ້ນມາຄາດວ່າເສດຖະກິດຈະຫຼຸດລົງ 8%.

   ຕາມຂ່າວ Cri ລາຍງານວ່າ ໃນກອງປະຊຸມ ຂ່າວທີ່ຈັດຂຶ້ນໃນ ມື້ດຽວກັນ, ທ່ານ ຟິລິບ ກ່າວວ່າ, ໃນໄລຍະປະຕິບັດ “ຄຳສັ່ງຫ້າມອອກເຮືອນ”, ການເຄື່ອນໄຫວເສດຖະກິດກວມລວມຂອງ ຝຣັ່ງໄດ້ຫຼຸດລົງ 36%, ຂະແໜງການກິນດື່ມ ແລະໂຮງແຮມເກືອບຢຸດສະງັດໝົດ, ທ່ານ ກ່າວວ່າ ຝຣັ່ງໄດ້ນຳໃຊ້ມາດຕະການຊ່ວຍເຫຼືອເສດຖະກິດຢ່າງຫຼວງຫຼາຍ ນັບມາຮອດປະຈຸບັນ, ຈຳນວນຄົນທີ່ “ວ່າງວຽກສ່ວນໜຶ່ງ” ຂອງຝຣັ່ງໄດ້ບັນລຸເຖິງ 9 ລ້ານຄົນ, ລັດຖະບານ ກໍ່ໄດ້ຈ່າຍເງິນເກື້ອກຸນ “ໜ່ວຍງານສ່ວນໜຶ່ງ” ທີ່ມີມູນຄ່າປະມານ 24 ຕື້ເອີໂຣ.

ທ່ານຟິລິບກ່າວວ່າ, ລັດຖະສະພາຂອງ ຝຣັ່ງຈະປຶກສາຫາລືມາດຕະການທີ່ອາດຈະນຳໃຊ້ຫຼັງ ວັນທີ 11 ພຶດສະພາ ນອກນັ້ນ, ເລີ່ມ ແຕ່ວັນທີ 11 ພຶດສະພາເປັນ ຕົ້ນໄປ, ການນຳໃຊ້ຄົມມະນາຄົມສາທາລະນະຕ້ອງໃສ່ຜ້າປິດປາກ.

---------

ໜັງສືພິມເສດຖະກິດ-ສັງຄົມ

• 23/04/2020