ອັງກິດປ້ອງກັນການລະບາດເຊື້ອໂຄວິດ-19 ຮອບສອງ

  ເຈົ້າໜ້າທີ່ຂອງ ທ່ານ ບໍຣິສ ຈອນສັນ ນາຍົກລັດຖະມົນຕີຂອງອັງກິດ ກ່າວໃນວັນທີ 20 ເມສາທີ່ຜ່ານມາວ່າ ອັງກິດຈຳເປັນຕ້ອງ ໃຫ້ແນ່ໃຈກ່ອນວ່າຖ້າຫາກມີການຍົກເລີກ ຫຼື ຫຼຸດຜ່ອນມາດຕະການເວັ້ນໄລຍະຫ່າງທາງສັງຄົມ ແລ້ວຈະບໍ່ນໍາໄປສູ່ການລະບາດຂອງເຊື້ອໄວຣັດໂຄວິດ-19 ຮອບທີ່ສອງ.

 ຕາມຂ່າວຕ່າງປະເທດລາຍງານວ່າ ເຈົ້າໜ້າທີ່ຂອງ ທ່ານຈອນສັນ ຊຶ່ງກຳລັງພັກຟື້ນຫຼັງຈາກຕິດເຊື້ອພະຍາດໂຄວິດ-19 ກ່າວວ່າ ສິ່ງທີ່ກຳລັັງເປັນຫ່ວງຄືການລະບາດຂຶ້ນຈຸດສູງສຸດເປັນຄັ້ງທີ່ສອງ ຊຶ່ງຖ້າຫາກເກີດຂຶ້ນຈິງອາດຈະເກີດຄວາມເສຍຫາຍຢ່າງໜັກຕໍ່ສຸຂະພາບຂອງປະຊາຊົນ ແລະສົ່ງຜົນກະທົບຮຸນແຮງຕໍ່ເສດຖະກິດຂອງປະເທດ ໂດຍທ່ານກ່າວຕື່ມວ່າ ຖ້າຫາກຕັດສິນໃຈດຳເນີນມາດຕະການຢ່າງໃດຢ່າງໜຶ່ງວ່ອງໄວ ເກີນໄປເຊື້ອໄວຣັດອາດຈະກັບມາລະບາດຢ່າງໜັກອີກກໍໄດ້.

ດັ່ງນັ້ນຈຶ່ງມີຄວາມຈຳເປັນທີ່ຈະຕ້ອງໝັ້ນໃຈວ່າຖ້າຫາກຍົກເລີກມາດຕະການເວັ້ນໄລຍະຫ່າງທາງສັງຄົມບາງປະເພດແລ້ວຈະບໍ່ເຮັດໃຫ້ພະຍາດໂຄວິດ- 19 ກັບມາລະບາດຮຸນແຮງອີກເທ່ືອໜຶ່ງ.

-----

ໜັງສືພິມເສດຖະກິດ-ສັງຄົມ

แชร์