ຫວຽດນາມໄດ້ປຽບດຸນການຄ້າເກືອບ 3,8 ຕື້ໂດລາ

ສສ ຫວຽດນາມ ຫາກໍ່ປະກາດຕົວເລກກ່ຽວກັບການສົ່ງ ອອກ-ນຳເຂົ້າໃນເດືອນມີນາ 2020 ໂດຍລະບຸວ່າ ສາໄດ້ປຽບ ດຸນການຄ້າໃນໄຕມາດ 1 ເກືອບ 3,8 ຕື້້ໂດລາສະຫະລັດ.

  ຕາມຂ່າວສານຫວຽດນາມ ລາຍງານວ່າ ໃນໄຕມາດທຳອິດ ຂອງປີ 2020 ຍອດມູນຄ່າການສົ່ງອອກ ແລະນໍາເຂົ້າບັນລຸເກືອບ 123 ຕື້ໂດລາສະຫະລັດ ເພີ່ມຂຶ້ນ 5,7% ເມື່ອທຽບກັບໄລຍະເວລາດຽວກັນຂອງປີທີ່ຜ່ານມາ ແລະໄດ້ປຽບດຸນການຄ້າໃນໄຕມາດທຳອິດບັນລຸເກືອບ 3,8 ຕື້ໂດລາ ໂດຍທະບວງພາສີອາກອນຫວຽດນາມໄດ້ ປະກາດລາຍງານສະຖິຕິກ່ຽວກັບ ການນໍາເຂົ້າ ແລະສົ່ງອອກໃນ ເດືອນມີນາທີ່ຜ່ານມາ ໂດຍຍອດ ມູນຄ່າການນໍາເຂົ້າ ແລະສົ່ງອອກ ຂອງປະເທດບັນລຸຫຼາຍກວ່າ 46 ຕື້ໂດລາ ເພີ່ມຂຶ້ນຫຼາຍກວ່າ 17% ເມື່ອທຽບກັບເດືອນກຸມພາທີ່ຜ່ານມາ ໂດຍການສົ່ງອອກບັນລຸ 24 ຕື້ໂດລາເພີ່ມຂຶ້ນເກືອບ 16%.

ຢ່າງໃດກໍຕາມ ຕົວເລກເກີນດຸນ ການຄ້າຂອງຫວຽດນາມທຸບສະຖິຕິເປັນປະຫວັດສາດຢູ່ທີ່ 11,1 ຕື້ໂດລາໃນປີ 2019 ເພີ່ມຂຶ້ນຈາກ ປີ 2018 ທີ່ເກີນດູນ 6,8 ຕື້ໂດລາ ແລະຍັງສູງກວ່າຕົວເລກທີ່ຄາດຄະເນຢູ່ທີ່ 9,94 ຕື້ໂດລາ.

---------

ໜັງສືພິມເສດຖະກິດ-ສັງຄົມ

แชร์