ຍອດຜູ້ຕິດເຊື້ອໂຄວິດ-19 ທົ່ວໂລກ 2,4 ລ້ານຄົນ

  ຕາມເວັບໄຊສະຖິຕິ worl dometers.info ໄລ່ຮອດ 9 ໂມງເຊົ້າຂອງວັນທີ 20 ເມສາ ລະບຸວ່າທົ່ວໂລກໄດ້ມີຜູ້ຕິດເຊື້ອ Covid– 19 ທັງໝົດ 2.406.240 ຄົນ ໃນນັ້ນມີຜູ້ເສຍຊີວິດ 165.004 ຄົນ.

 ອາເມລິກາສືບຕໍ່ແມ່ນຈຸດໃຈກາງຂອງໂລກລະບາດເມື່ອຢັ້ງຢືນມີຜູ້ຕິດເຊື້ອໃໝ່ຕື່ມອີກ 1.891 ຄົນໃນຮອບ 24 ຊົ່ວໂມງທີ່ຜ່ານມາອັນໄດ້ຍົກຍອດຈຳນວນຜູ້ເສຍຊີວິດຂຶ້ນເຖິງ 40 ພັນຄົນ ມາຮອດປະຈຸບັນອາເມລິກາໄດ້ມີຜູ້ຕິດເຊື້ອທັງໝົດ764.303 ກໍລະນີ, ຮອງລົງມາຄືແອັດສະປາຍ 198.674 ຄົນ, ອີຕາລີ 178.952   ຄົນ, ຝຣັ່ງ 152.894 ຄົນ, ເຢຍລະມັນ 145.742 ຄົນ ແລະອັງກິດ 120.067 ຄົນ, ຂະນະດຽວກັນນັ້ນ, ຣັດເຊຍກໍ່ໄດ້ຢັ້ງຢືນມີຜູ້ຕິດເຊື້ອ 36.793 ຄົນ ໃນນັ້ນມີຜູ້ເສຍຊີວິດ 313 ຄົນ.

  ຢູ່ ສ.ເກົາຫຼີ  ໃນວັນທີ 19 ເມສາ, ເປັນຄັ້ງທຳອິດນັບຕັ້ງແຕ່ເດືອນກຸມພາມາຮອດປະຈຸບັນໄດ້ຢັ້ງຢືນແມ່ນມື້ມີຜູ້ຕິດເຊື້ອໃໝ່ຢູ່ໃນລະດັບຕໍ່າກວ່າ 10 ຄົນ, ໄລ່ຮອດເວລາ 10 ໂມງ ຂອງວັນທີ 19 ເມສາ ດ້ວຍຈຳນວນຜູ້ຕິດເຊື້ອໃໝ່ 8 ກໍລະນີ ອັນໄດ້ຍົກຍອດຈຳນວນຜູ້ຕິດເຊື້ອຢູ່ປະເທດນີ້ຂຶ້ນເຖິງ 10.661 ຄົນ, ໃນຂະນະນັ້ນຍີ່ ປຸ່ນກໍ່ໄດ້ຢັ້ງຢືນມີຜູ້ຕິດເຊື້ອເກືອບ 600 ຄົນ, ອັນໄດ້ຍົກຍອດຈຳນວນຜູ້ຕິດເຊື້ອໃນທົ່ວປະເທດນີ້ຂຶ້ນເຖິງກວ່າ 10.000 ຄົນ.

____________

ໜັງສືພິມເສດຖະກິດ-ສັງຄົມ

แชร์