ຫຼາຍພາກສ່ວນມອບເຄື່ອງເຂົ້າໃນການຕ້ານການລະບາດໂຄວິດ-19

  ເມື່ອບໍ່ດົນມານີ້ທີ່ຫ້ອງວ່າການປົກຄອງເມືອງໄຊພູທອງ ແຂວງສະຫວັນນະເຂດ ໄດ້ມີພິທີມອບ-ຮັບເຄື່ອງຊ່ວຍເຫຼືອຕ້ານພະຍາດໂຄວິດ-19 ຈາກນັກທຸລະກິດຫຼາຍພາກສ່ວນພາຍໃນເມືອງເພື່ອປະກອບສ່ວນຊ່ວຍເຫຼືອນໍາໃຊ້ເຂົ້າໃນການປ້ອງກັນ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ (ໂຄວິດ19) ສ່ວນເຄື່ອງທີ່ນໍາມາມອບຄັ້ງນີ້ປະກອບມີ: ນໍ້າດື່ມອະນາໄມຈໍານວນ 1,115 ແຟັກ, ໜີ່ຍໍາໆ 27 ແກັດ, ເຄື່ອງດຶ່ມ M150 ຈໍານວນ 6 ແກັດ, ຜ້າອັດປາກ 18 ກັບ, ເຈວລ້າງມື 8 ກ່ອງ ແລະກາເຟ 8 ຊົບ ຊຶ່ງລວມມູນຄ່າທັງໝົດ 17 ລ້ານກວ່າ ກີບປະກອບມີ: ທ່ານ ວາດສະໜາ ເຈົ້າຂອງໂຮງງານນໍ້າດຶ່ມແກ້ວຟ້າມີ,  ເຈ້ບຸດໂຮງງານນໍ້າດຶ່ມດອກຮັກ, ທ່ານ ບຸນອອ້ມ ໂຮງງານນໍ້າດຶ່ມກາດອກຄູນ ແລະພາກສ່ວນອື່ນໆ ເພື່ອເປັນການປະກອບສ່ວນເຂົ້າໃນການຕ້ານການລະບາດຂອງພະຍາດ Covid-19, ໂດຍ ໃຫ້ກຽດກ່າວຮັບຂອງທ່ານ ຄໍາວິໃສ ຜຸຍຍະວົງ ເລຂາພັກເມືອງ ເຈົ້າເມືອງໄຊພູທອງ ພ້ອມດ້ວຍການນໍາຂັນຂອງເມືອງເຂົ້າຮ່ວມນໍາ, ພ້ອມທັງກ່າວຄວາມຂອບໃຈນໍາບັນດານັກທຸລະກິດຂອງເມືອງທີ່ມີຄວາມຕື່ນຕົວສູງໃນການປະກອບສ່ວນເຄື່ອງຊ່ວຍເຫຼືອຕ້ານກັບພະຍາດໂຄວິດ-19 ແມ່ນຈະໄດ້ສືບຕໍ່ນຳໄປມອບໃຫ້ບັນດາກຸ່ມສ່ຽງ ຕາມສູນກັກກັນຊົ່ວຄາວທັງ 46 ສູນໃນທົ່ວເມືອງໄຊພູທອງ ໂດຍ ສະເພາະກໍາລັງ ປກຊ-ປກສ, ແພດ ໝໍ, ພະນັກງານທີ່ເຮັດວຽກພົວພັນກັບກຸ່ມສ່ຽງ ລວມທັງແຮງງານທີ່ເດີນທາງມາຈາກຕ່າງປະເທດທີ່ມີກຸ່ມສ່ຽງຕໍ່ການລະບາດຂອງພະຍາດ Covid-19 ທີ່ກໍາລັງກັກໂຕ 14 ວັນຢູ່ແຕ່ລະສູນພາຍໃນເມືອງເພື່ອຮັບ ປະກັນບໍ່ໃຫ້ມີຄວາມສ່ຽງຕໍ່ພະຍາດ Covid-19.   

  ປະຈຸບັນເມືອງໄຊພູທອງຍັງມີແຮງງານລາວຄ້າງຢູ່ສູນທັງໝົດ 2.507 ຄົນ, ຍິງ1.246  ຄົນ, ນອນສູນທັງໝົດ 2.486 ຄົນ, ຍິງ1.244 ຄົນ, ຈໍານວນຜູ້ຄົບກໍານົດ 14 ວັນ ອອກກັບຄືນຄອບຄົວມີ 2.055 ຄົນ, ຍິງ1.032 ຄົນ, ຈໍານວນ ຄ້າງສູນ 452 ຄົນ, ຍິງ214  ຄົນ, ຊຶ່ງມາຮອດວັນທີ 14 ເມາສາ 2020  ມີຄົນອອກໝົດ 6 ສູນແລ້ວ, ປະຈຸບັນຍັງສູນກັກກັນທັງໝົດ 40 ສູນທາງເຈົ້າໜ້າທີ່ກວດກາຄະນະສະເພາະກິດຂັ້ນເມືອງໄຊພູທອງແມ່ນໄດ້ເອົາໃຈສ່ໃນການຄວມຄຸມ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໂຄວິດ-19 ດ້ວຍຄວາມຮັບຜິດຊອບສູງ.

----------------

ຂຽນໂດຍ:  ມຸນຕີພັນທະມິດ ວົງສຸທິ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์