ຫຼວງນໍ້າທາ ໄດ້ຮັບເຄື່ອງຊ່ວຍເຫຼືອປ້ອງກັນພະຍາດໂຄວິດ-19

  ເມື່ອບໍ່ດົນມານີ້ທີ່ຫ້ອງວ່າການແຂວງຫຼວງນໍ້າທາ ບໍລິສັດການລົງທຶນຢາງພາລາຢູນນານຈໍາກັດ, ໄດ້ນໍາເອົາເຄື່ອງມາມອບໃຫ້ຫ້ອງວ່າການແຂວງຫຼວງນໍ້າທາ, ເຄື່ອງທີ່ນໍາມາມອບໃນຄັ້ງນີ້ມີຜ້າອັດປາກຈໍານວນ 5.000 ອັນ ແລະນໍ້າຢາຂ້າເຊື້ອ 50 ຕຸກ, ລວມມຸນຄ່າທັງໝົດ 23 ລ້ານກີບ, ໂດຍການກ່າວມອບທ່ານ ເກົ່າເຈ ເລຂາຄະນະພັກບໍລິສັດການລົງທຶນຢາງພາລາຢູນນານຈໍາກັດ ແລະທ່ານ ປາຍຢວນສົ່ງ ຫົວໜ້າອຳນວຍການບໍລິສັດການລົງທຶນຢາງພາລາຢຸນນານຈໍາກັດ, ກ່າວຮັບໂດຍທ່ານ ບຸນຍີ່ ແກ້ວຄຸນເມືອງ ຮອງເຈົ້າແຂວງໆຫຼວງນໍ້າທາ ຫົວໜ້າສະເພາະກິດປ້ອງກັນຄວບຄຸມພະຍາດໂຄວິດ-19 ຂັ້ນແຂວງພ້ອມດວ້ຍທ່ານ ພົມມະສຸກ ວິໄລກຸນ ຫົວໜ້າຫ້ອງວ່າການແຂວງ.

ບໍລິສັດໄດ້ນໍາເອົາເຄື່ອງມາມອບໃນຄັ້ງນີ້ກໍ່ເພຶ່ອນໍາເອົາເຄື່ອງດັ່ງກ່າວໄປໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານໃນການຕ້ານປ້ອງກັນ ແລະຄອບຄຸມພະຍາດໂຄວິດ- 19,

  ໂອກາດນີ້ ທ່ານ ບຸນຍີ່ ແກ້ວຄຸນເມືອງ ຮອງເຈົ້າແຂວງໆຫຼວງນໍ້າ ທາຫົວໜ້າສະເພາະກິດປ້ອງກັນຄວບຄຸມພະຍາດໂຄວິດ - 19 ຂັ້ນ ແຂວງໄດ້ສະແດງຄວາມຂອບ ໃຈມາຍັງບໍລິສັດການລົງທຶນຢາງພາລາຢຸນນານຈໍາກັດທີ່ໄດ້ເປັນຫ່ວງເປັນໄຍເຫັນໄດ້ເຖິງຄວາມສຳຄັນໃນການປະຕິບັດໜ້າທີ່ວຽກງານ ແລະຂໍອວຍພອນໃຫ້ບໍລິສັດຈົ່ງມີສຸຂະພາບແຂງແຮງ ແລະທຸລະກິດມີຄວາມຈະເລີນກ້າວໜ້າ.

ຂ່າວຍັງໃຫ້ຮູ້ຕື່ມວ່າ: ມາໃນວັນທີ 8 ເມສາ 2020 ນີ້ບໍລິສັດພັດທະນາເສດຖະກິດບໍ່ເຕ່ນແດນງາມໄດ້ມອບເງິນສົດ 30 ລ້ານກີບ, ໃຫ້ແຂວງຫຼວງນໍ້າທາປະກອບສ່ວນເຂົ້າໃນການປ້ອງກັນພະຍາດໂຄວິດ-19 ກ່າວມອບໂດຍທ່ານ ເຊີນ ຈູນເຊີນ ຮອງຫົວໜ້າບໍລິສັດພັດທະນາເສດຖະກິດບໍ່ເຕ່ນແດນງາມ, ກ່າວຮັບໂດຍທ່ານ ບຸນຍີ່ ແກ້ວຄູນເມືອງ ຮອງເຈົ້າແຂວງໆ ຫຼວງນໍ້າທາ ຫົວໜ້າສະເພາະກິດປ້ອງກັນຄວບຄຸມ ແລະແກ້ໄຂພະຍາດໂຄວິດ -19 ຂັ້ນແຂວງ.

___________

ຂຽນໂດຍ:  ມຸນຕີ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 21/04/2020