ໂຮງແຮມລາວເທວ ແຈກອາຫານໃຫ້ແພດໝໍ

 ທ້າຍອາທິດຜ່ານມາໂຮງແຮມລາວເທວ ຮ່ວມກັບໝູ່ເພື່ອນນຳເອົາອາຫານການກິນໃຫ້ 2 ໂຮງໝໍຄື: ໂຮງໝໍມິດຕະພາບ ແລະໂຮງໝໍສູນກາງ 103 ນຳໂດຍທ່ານ ວົງຈັນ ບົວແພງ ທີ່ປຶກສາໂຮງແຮມລາວເທວຕາງໜ້າຮັບໂຮງໝໍມິດຕະພາບ ທ່ານ ສະໜອງ ທອງຊະນະ ຜູ້ອຳນວຍການໂຮງໝໍມິດຕະພາບ, ຕາງໜ້າຮັບໂຮງໝໍສູນກາງ 103 ທ່ານ ສະແຫງໄຊ ດາລາສາດ ຮອງຜູ້ອຳນວຍການພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

 ສຳລັບການປະກອບສ່ວນມອບຄັ້ງນີ້ປະເພດເຂົ້າ, ຜັດພະໂລ, ນ້ຳດື່ມ ແລະອື່ນໆ. ໂອກາດດັ່ງກ່າວທັງສອງໂຮງໝໍກໍ່ສະແດງຄວາມຮູ້ບຸນຄຸນທີ່ມີນໍ້າຈິດນໍ້າໃຈຊ່ວຍເຫຼືອເພື່ອນມະນຸດຮ່ວມກັນ. ຂະນະດຽວກັນທາງໂຮງແຮມກໍ່ຢືນຢັ້ງວ່າຈະສືບຕໍ່ຊຸກຍູ້ຊ່ວຍສັງຄົມຈົນກວ່າໂຄວິດ-19 ຫາຍຈາກໂລກໄປ.

  ໂຮງແຮມລາວເທວໂຣເທວແອນຣີສອດໜຶ່ງໂຮງແຮມກິດຈະການຂອງຄົນລາວທີ່ເພິ່ນມີອຸດົມການຮັກສາເອກະລັກແບບລາວໆ ຊຶ່ງກຽມປັບປຸງລະບົບທຸກຢ່າງເພື່ອໃຫ້ລູກ ຄ້າເປັນຄົນລາວເຂົ້າເຖິງໃຊ້ບໍລິການປະຈຸບັນຫຼັງມີວິກິດໂຄວິດ-19 ທາງໂຮມແຮມກໍ່ບໍ່ນິ່ງນອນໃຈໂດຍຈັດທຸກວິທີ່ຂ້າເຊື້ອ ແລະ ອຸປະກອນທຸກຢ່າງເພື່ອໃຫ້ຄວາມປອດໄພແຂກມາພັກ ແລະພະນັກງານມີຄວາມປອດໄພ 100%.

ປະຈຸບັນທາງໂຮງແຮມແມ່ນມີການປັບປຸ່ງລະບົບການໃຊ້ບໍລິການໃຫ້ເໝາະສົມໂດຍສະເພາະເລື່ອງລາຄາທີ່ຄົນລາວສາມາດເຂົ້າມາໃຊ້ບໍລິການໄດ້ໂດຍເນັ້ນສ້າງລະບົບແບບລາວໆແຕ່ຢູ່ໃນລະດັບສາກົນທີ່ສຳຄັນທາງໂຮງແຮມສ້າງວຽກເຮັດງານທຳພະນັກງານຫຼາຍກວ່າ 95 ໜ່ວຍງານ.

___________

ຂຽນໂດຍ: ບຸນນິກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์