ມູນນິທິຈີນນະຄອນຫຼວງວຽງຈັນສີດຢາຂ້າເຊື້ອໂຄວິດ-19 ຢູ່ສີໂຄດຕະບອງ

   ເພື່ອເປັນການປະກອບສ່ວນໃນການຕ້ານໄວຣັດໂຄວິດ-19 ທີ່ກຳລັງລະບາດໃນປະຈຸບັນມູນນິທິຈີນນະຄອນຫຼວງວຽງຈັນຍິນດີປະກອບສ່ວນໃນການສີດຢາຂ້າເຊື້ອໃຫ້ໂດຍບໍ່ເສຍຄ່າໂດຍມີແຜນຈະຮ່ວມມືກັບທຸກເມືອງໃນນະຄອນຫຼວງວຽງຈັນ, ສ່ວນປະຊາຊົນ, ຫ້ອງການຕ່າງໆທີ່ມີຄວາມສົນໃຈສີດຢາຂ້າເຊື້ອໂຄວິດກໍສາມາດຕິດຕໍ່ທາງມູນນິທິໄດ້ໂດຍຈະມີທີມງານໄປສີດຢາໃຫ້ເຖິງທີ່.

  ອີງຕາມຂໍ້ມູນຈາກມູນນິທິຈີນນະຄອນຫຼວງວຽງຈັນໃຫ້ຮູ້ວ່າ: ມູນນິທິຈີນນະຄອນຫຼວງວຽງຈັນໄດ້ສົມທົບກັບບັນດາເມືອງໃນນະຄອນຫຼວງວຽງຈັນເພື່ອລົງສີດຢາຂ້າເຊື້ອໄວຣັດຕາມຖະໜົນສາຍຕ່າງໆທີ່ມີຄວາມສ່ຽງ, ບໍ່ວ່າຈະເປັນເສັ້ນທາງສາຍຫຼັກ ແລະອື່ນໆ ປະຈຸບັນທາງມູນນິທິຈີນແມ່ນໄດ້ຮ່ວມສີດຢາຂ້າເຊື້ອແລ້ວ 2 ເມືອງຄື: ເມືອງຈັນທະບູລີ ແລະເມືອງສີໂຄດຕະບອງ ຊຶ່ງໃນແຜນການຂອງທາງມູນນິທິຈີນແມ່ນຈະສືບຕໍ່ຮ່ວມມືທັງໝົດ 9 ຕົວເມືອງໃນນະຄອນຫຼວງວຽງຈັນເພື່ອສີດຢາຂ້າເຊື້ອໃຫ້ໄດ້ໄວທີ່ສຸດ.

____________

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 21/04/2020