ຂ່າວດີມື້ທີ 8 ລາວບໍ່ພົບຜູ້ຕິດເຊື້ອ Covid -19

ວັນທີ 20 ເມສາ 2020 ທາງຄະນະຄະສະເພາະກິດເພື່ອປ້ອງກັນຄວບຄຸມ ແລະແກ້ໄຂພະຍາດອັດເສບປອດໄດ້ສືບຕໍ່ຖະແຫຼງຂ່າວຕໍ່ມວນຊົນໂດຍທ່ານ ພູທອນ ເມືອງປາກ ຮອງລັັດຖະມົນຕີກະຊວງສາທາລະນະສຸກຜູ້ປະຈຳການຄະນະສະເພາະກິດເປັນຂ່າວດີມື້ທີ 8 ບໍ່ພົບຜູ້ຕິດເຊື້ອໂຄວິດ-19.

  ອີງຕາມໜ່ວຍສະເພາະກິດກວດຈຸດດ້ານເຂົ້າເມືອງມີຈຳນວນທັງໝົດ 997 ຄົນ, ເດີນທາງມາແຕ່ດ່ານລາວ-ໄທ 259 ຄົນ, ລາວ-ຈີນ 268 ຄົນ ແລະດ່ານລາວ-ຫວຽດນາມ 470 ຄົນ ທັງໝົດແມ່ນພະນັກງານຂັບລົດບັນທຸກສິນຄ້າ.

  ການເຝົ້າລະວັງ ແລະວິເຄາະວັນທີ 19 ເມສາ 2020 ໄດ້ກັກຕົວຢ່າງມາກວດທັງໝົດ 16 ຄົນ ໃນນັ້ນຜູ້ສຳຜັດໃກ້ຊິດຜູ້ຕິດເຊື້ອ 7 ຄົນ ກໍລະນີມີອາການສົງໄສ 9 ຄົນ ແຕ່ຜົນກວດອອກມາບໍ່ພົບຜູ້ຕິດເຊື້ອຊຶ່ງຕົວເລກແມ່ນຍັງຢູ່ 17 ຄົນນະຄອນຫຼວງວຽງຈັນ 14 ຄົນ ແລະຫຼວງພະບາງ 3 ຄົນ ປະຈຸບັນອາການແຕ່ລະຄົນແມ່ນເບົາບາງຂຶ້ນ.

  ແນວໃດກໍ່ຕາມເຖິງສະພາບຕິດເຊື້ອຂອງປະເທດເຮົາບໍ່ພົບຜູ້ຕິດເຊື້ອເປັນເວລາ 8 ວັນ ແຕ່ທາງຄະນະສະເພາະກິດຍັງເຝົ້າລະວັງຕິດຕາມຄົ້ນຫາຜູ້ສົງໄສໂດຍສະເພາະຜູ້ຮັກສາຕົວຢູ່ສູນ ແລະຢູ່ເຮືອນລວມຜູ້ຜ່ານແດນນຳເຂົ້າມາກວດທັນການ.

______________

ຂຽນໂດຍ:  ບຸນນິກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์