ໂອເປັກຈະພິຈາລະນາປັບຫຼຸດຜະລິດນໍ້າມັນ

 ກຸ່ມປະເທດຜູ້ຜະລິດນໍ້າມັນຈະຈັດກອງປະຊຸມທາງໄກຄັ້ງສຳຄັນເພື່ອຫາລືກ່ຽວກັບການຫຼຸດກຳລັງຜະລິດນໍ້າມັນຫຼັງຈາກຄວາມຕ້ອງການນໍ້າມັນຫຼຸດລົງເນື່ອງມາຈາກການລະບາດຂອງໄວຣັດ ແລະສົງຄາມຫຼຸດລາຄາ.

  ຕາມຂ່າວຕ່າງປະເທດລາຍງານວ່າກອງປະຊຸມລະຫວ່າງກຸ່ມປະເທດຜູ້ສົ່ງອອກນໍ້າມັນ (ໂອເປັກ) ແລະພັນທະມິດໂອເປັກພລັສຊຶ່ງລວມເຖິງຣັດເຊຍ ແລະປະເທດຜູ້ຜະລິດນໍ້າມັນອື່ນໆທີ່ບໍ່ແມ່ນສະມາຊິກຈະເປັນໂອກາດສຳຄັນໃນການຊຸກຍູ້ລາຄານໍ້າມັນທີ່ໃນຂະນະນີ້ມີລາຄາຕໍ່າສຸດໃນຮອບ 2 ທົດສະວັດ, ຜູ້ຊ່ຽວຊານເຕືອນວ່າຖ້າຫາກກອງປະຊຸມບໍ່ສາມາດຕົກລົງກັນໄດ້ເລື່ອງຫຼຸດກຳລັັງການຜະລິດລາຄານໍ້າມັນອາດຫຼຸດລົງໄປກວ່ານີ້ຢ່າງໃດກໍຕາມຫຼາຍຝ່າຍຫວັງວ່າກອງປະຊຸມໜ້າຈະຫາຂໍ້ຕົກລົງຮ່ວມ ກັນໄດ້ໂດຍຄາດວ່າໜ້າຈະຫຼຸດລົງລວມກັນວັນລະ 10 ລ້ານຖັງ.

  ກ່ອນໜ້ານີ້ ຊາອຸດິດ ອາຣັບບີ ຮຽກຮ້ອງໃຫ້ມີກອງປະຊຸມຢ່າງເລັ່ງດ່ວນເພື່ອຫາຂໍ້ຕົກລົງທີ່ເປັນທໍາໃນການຮັກສາສະຖຽນລະພາບຂອງຕະຫຼາດນໍ້າມັນຂະນະທີ່ບລູມເບີກ ນີວລາຍງານວ່າຣັດເຊຍຍິນດີທີ່ຈະຫຼຸດກໍາລັງການຜະລິດນໍ້າມັນລົງປະມານ 15% ຫຼື ປະມານ 1,6 ລ້ານຖັງຕໍ່ວັນ ແລະເຮັດໃຫ້ໂອກາດທີ່ຈະບັນລຸຂໍ້ຕົກລົງມີຄວາມເປັນໄປໄດ້

แชร์