ອີຢູ ສົ່ງທີມແພດຊ່ວຍອີຕາລີ ຕ້ານໂຄວິດ-19

  ສະຫະພາບເອີຣົບ (ອີຢູ)ສົ່ງທີມແພດຊ່ວຍເຫຼືອອີຕາລີຮ່ວມກັນຕ້ານພະຍາດໂຄວິດ-19 ທີ່ມີຜູ້ເສຍຊີວິດສູງທີ່ສຸດໃນໂລກຢູ່ທີ່ 17.127 ຄົນ.

  ຕາມຂ່າວຕ່າງປະເທດລາຍງານວ່າສະຫະພາບເອີຣົບ(ອີຢູ) ເປີດເຜີຍວ່າການສົ່ງເຈົ້າໜ້າທີ່ສາທາລະນະສຸກຈາກຣູມານີ ແລະນອກແວໄປຍັງນະຄອນມິລາມ ແລະແບຣກາໂມໃນອີຕາລີເພື່ອຊ່ວຍເຫຼືອເຈົ້າໜ້າທີ່ສາທາລະນະສຸກອີຕາລີຕໍ່ສູ້ກັບເຊື້ອພະຍາດໂຄ ວິດ-19, ຂະນະທີ່ອົດສະຕຣາລີໄດ້ມອບນໍ້າຢາຂ້າເຊື້ອພະຍາດໃຫ້ແກ່ອີຕາລີ 3.000 ລິດ, ນອກນີ້ອີຕາລີໄດ້ເປີດນຳໃຊ້ລະບົບດາວທຽມໂຄເປີນີຄັດຂອງສະຫະພາບເພື່ອລະບຸຕຳແໜ່ງຂອງສະຖານທີ່ບໍລິການດ້ານສາທາລະນະສຸກແລະສະຖານທີ່ສາທາລະນະໃນວິ ກິດພະຍາດລະບາດໃນຄັ້ງນີ້.

 ກ່ອນໜ້ານີ້ອີຕາລີໄດ້ຮັບອຸປະກອນປ້ອງກັນທາງການແພດຈາກ ສປ ຈີນ ເປັນຕົ້ນໜ້າກາກທາງການແພດ  2 ລ້ານອັນ, ໜ້າກາກອະນາໄມຊະນິດເອັມ 95 (N95)  200.000 ອັນ ແລະຊຸດທົດລອງ 50.000 ຊຸດ.

แชร์