ຫຼາຍພາກສ່ວນມອບເຄື່ອງຊ່ວຍເຫຼືອຕ້ານໂຄວິດ-19 ໃຫ້ແຂວງຫຼວງພະບາງ

  ນັບແຕ່ທ້າຍເດືອນມີນາ 2020 ໄດ້ມີບັນດາບໍລິສັດ, ອົງ ການຈັດຕັ້ງສາກົນ, ພະແນກການ, ກົມກອງ, ນັກທຸລະກິດ, ຫ້າງຮ້ານ ແລະນິຕິບຸກຄົນໄດ້ນໍາເອົາວັດຖຸປັດ ໄຈໄປມອບໃຫ້ສູນປະຕິບັດການ ຕ້ານໂຄວິດ-19 ຂັ້ນແຂວງເພື່ອ ເປັນການປະກອບສ່ວນຊ່ວຍເຫຼືອ ດ້ານງົບປະມານຮັບໃຊ້ແກ່ວຽກ ງານປ້ອງກັນຄວບຄຸມ ແລະແກ້ໄຂການລະບາດຂອງພະຍາດໂຄວິດ-19 ມາຮອດວັນທີ 7 ເມສາ ລວມມູນຄ່າຫຼາຍກວ່າ 600 ລ້ານ ກີບ.

   ທ່ານ ດຣ ຄໍາສອນ ພົງສະຫວັດດີ ຫົວໜ້າພະແນກສາທາລະນະສຸກ, ທັງເປັນຄະນະສະເພາະກິດ ຂັ້ນແຂວງກ່າວວ່າ: ສໍາລັບສູນປະຕິບັດການໜ່ວຍສະເພາະກິດ ເພື່ອປ້ອງກັນຄວບຄຸມ ແລະແກ້ໄຂການລະບາດໄຂ້ຫວັດສາຍພັນໃໝ່ COVID-19 ຂັ້ນແຂວງຕັ້ງຢູ່ຫ້ອງປະຊຸມຂອງພະແນກສາທະລະນະ ສຸກແຂວງຫຼວງພະບາງ ໂດຍມີຄະນະສະເພາະກິດຕ້ານໂຄວິດປະຈໍາ ການຢູ່ຕະຫຼອດ 24 ຊົ່ວໂມງ ເພື່ອ ເຝົ້າລະວັງ ແລະລາຍງານຂໍ້ມູນ ການເຄື່ອນໄຫວຂອງໜ່ວຍສະ ເພາະກິດໃນການຄວບຄຸມພະຍາດ ໂຄວິດຂອງແຂວງຫຼວງພະບາງ ຢ່າງເປັນປົກກະຕິໃຫ້ທາງຂັ້ນເທິງຮັບຊາບ, ພ້ອມນີ້ອົງການຊ່ວຍເຫຼືອ ເດັກປະຈໍາແຂວງຫຼວງພະບາງ ໄດ້ອຸປະຖໍາເຈວສະບູລ້າງມື, ນໍ້າເຫຼົ້າ 70, ເຈວເຫຼົ້າລ້າງມື, ບາລອດດິຈິ ຕອນແທກອຸນຫະພູມໜ້າພາກ, ຖົງມື ແລະຜ້າອັດປາກລວມມູນຄ່າ 450 ລ້ານກີບ, ບໍລິສັດນໍ້າດື່ມມິນີ ໂລຊ່ວຍເຫຼືອນໍ້າດື່ມ 2.500 ແກັດ, ມູນຄ່າ 50 ລ້ານກີບ, ຮັບໂດຍທ່ານ ດຣ ຄໍາສອນ ພົງສະຫວັດດີ ຫົວ ໜ້າພະແນກສາທາລະນະສຸກ, ທັງ ເປັນສະເພາະກິດຂັ້ນແຂວງ ແລະ ຫຼ້າສຸດຕອນບ່າຍຂອງວັນທີ 7 ເມສາ ບໍລິສັດອຸດສາຫະກຳທຣັດ ໂທບາໂກການຄ້າຂາອອກ-ຂາເຂົ້າ ຈຳກັດ ໄດ້ມອບເງິນສົດຈຳນວນ 50 ລ້ານກີບຕື່ມອີກ, ສະນັ້ນຫາກ ພາກສ່ວນໃດ, ບຸກຄົນໃດຢາກປະ ກອບສ່ວນຊ່ວຍເຫຼືອກໍສາມາດ ເຂົ້າໄປພົວພັນນໍາທາງຄະນະສະ ເພາະກິດຂັ້ນແຂວງໄດ້.

 ໂອກາດນີ້ທ່ານກໍໄດ້ສະແດງຄວາມຂອບໃຈຮູ້ບຸນຄຸນຢ່າງສູງຕໍ່ປະເທດເພື່ອນມິດ, ອົງການຈັດຕັ້ງສາກົນ, ອົງການຈັດຕັ້ງທາງສັງຄົມ, ນັກທຸລະກິດທີ່ໄດ້ໃຫ້ການສະໜັບສະໜູນທາງດ້ານງົບປະມານ, ວັດຖຸອຸປະກອນຮັບໃຊ້ແກ່ວຽກງານ ປ້ອງກັນຄວບຄຸມ ແລະແກ້ໄຂການ ລະບາດຂອງພະຍາດໂຄວິດ-19  ແລະຈະນຳໃຊ້ໃຫ້ຖືກຕາມວັດຖຸປະສົງ ແລະໃຫ້ມີປະສິດທິຜົນສູງ.

--------

ໜັງສືພະມເສດຖະກິດ-ສັງຄົມ

แชร์