ເປີດໂຕຊີທີອີ ເອຊອນ 11 5 ຈີສະມາດໂຟນ ວິດີໂອລຸ້ນທຳອິດຮອງຮັບ 5 ຈີ

 ZTE Corporation ຜູ້ນຳລະດັບໂລກດ້ານໂຊລູຊັນໂທລະຄົມມະນາຄົມ ແລະເຕັກໂນໂລຊີອິນເຕີເນັດມືຖືສຳລັບອົງກອນ ແລະຜູ້ບໍລິ ໂພກປະກາດເປີດໂຕສະມາດໂຟນ ວິດີໂອລຸ້ນທຳອິດຂອງບໍລິສັດທີ່ ຮອງຮັບ 5ຈີ ຢ່າງ ZTE Axon 11 5ຈີ ຢ່າງເປັນທາງການໃນ ສປ ຈີນ ຊຶ່ງຄົບຖ້ວນດ້ວຍຄຸນສົມບັດ 5ຈີ ທີ່ຍອດຍ້ຽມດິໄຊທີ່ຫຼູ ຫຼາການບັນທຶກທີ່ຕັດຕໍ່ວິດີໂອທີ່ຊົງພະລັງ.

 “ດ້ວຍຄວາມມຸ້ງໝັ້ນດ້ານຄວາມຍືນຍົງ ແລະການສັ່ງສົມປະສົບການເລິກເຊິ່ງໃນອຸດສາຫະກຳໂທລະຄົມມະນາຄົມ ZTE ຈະເສີມສ້າງການລົງທຶນດ້ານນະວັດຕະກຳຕໍ່ເນື່ອງ” ທ່ານ ສຸເຟີງ ຮອງປະທານອາວຸໂສ ຂອງ ZTE Corporation ແລະ ປະທານຝ່າຍ Mobile Device Division ກ່າວ “ຂະນະດຽວກັນເມື່ອ ພິຈາລະນາວ່າວິດີໂອທີ່ມີຄວາມຍາວ ແລະວິດີໂອ HD ຈະເປັນໜຶ່ງໃນຮູບແບບການໃຊ້ງານສຳຄັນໃນຍຸກ 5ຈີ ທາງ ZTE ຈຶ່ງຈະຂະຫຍາຍການລົງທຶນໃນອັລກໍຣິທຶມວິດີໂອຢ່າງຕໍ່ເນື່ອງໃນອະນາຄົດເຮົາຈະທຸ່ມເທຄວາມພະຍາຍາມໃນທັງ 2 ດ້ານຄື: ຄວາມສາມາດໃນການສື່ສານ ແລະອັລກໍຣິທຶມວິດີໂອ ຊຶ່ງມີຈຸດປະສົງເພື່ອສົ່ງມອບ ຜະລິດຕະພັນເທີມິນັລ 5ຈີ ທີ່ມີ ສັກກະຍະພາບແຂ່ງຂັນສູງແກ່ຜູ້ບໍ ລິໂພກ”.

   ຟັງຊັນບັນທຶກ ແລະຕັດຕໍ່ວິດີໂອ ສຸດຊົງພະລັງບັນທຶກພາບຊີວິດໃໝ່ ຂອງທ່ານບໍ່ວ່າຈະເປັນວະລອ໊ກເກີ ມືອາຊີບ ຫຼື ຜູ້ໃຊ້ງານທົ່ວໄປທຸກຄົນ ຕ່າງກໍເຕັມໃຈທີ່ຈະຈົດຈຳນຳສະເໜີ ແບ່ງປັນຊີວິດປະຈຳວັນຂອງພວກເຂົາ ແລະຮັບຂໍ້ມູນທີ່ມີພົນລະວັດ ຫຼາຍຂຶ້ນຜ່ານວິດີໂອໂດຍໃນຈີນນັ້ນຈຳນວນຜູ້ໃຊ້ວິດີໂອສັ້ນປີ 2019 ພຸ່ງສູງຂຶ້ນເຖິງ 820 ລ້ານລາຍ ແລະຍັງເພີ່ມຂຶ້ນຕໍ່ເນື່ອງ ແລະນອກເໜືອຈາກຄວາມລະອຽດ ແລະ ເຟຣມເຣຕແລ້ວລະບົບປ້ອງກັນວິ ດີໂອສັ່ນເປັນອີກໜຶ່ງອົງປະກອບສຳຄັນທີ່ເປັນຕົວກຳນົດຄຸນນະພາບຂອງວິດີໂອ.

--------

ໜັງສືພິມເສດຖະກິດ-ສັງຄົມ

แชร์