ທົ່ວໂລກຕິດເຊື້ອໂຄວິດຫຼາຍກວ່າ 1,4 ລ້ານຄົນ

 ຂໍ້ມູນຫຼ້າສຸດຈາກໜ່ວຍງານ ດ້ານສາທາລະນາສຸກທົ່ວໂລກລະບຸວ່າ ຍອດຄົນເຈັບທີ່ຕິດເຊື້ອພະຍາດໂຄວິດ-19 ທົ່ວໂລກໃນຂະນະນີ້ຢູ່ທີ່ 1.410.185 ຄົນ ແລະຍອດຜູ້ເສຍຊີວິດຢູ່ທີ່ 81.014 ຄົນ.

 ຕາມຂ່າວຕ່າງປະເທດລາຍ ງານວ່າ ອາເມລິກາມີຍອດຜູ້ຕິດເຊື້ອພະຍາດໂຄວິດ-19 ສູງສຸດໃນ ໂລກຢູ່ທີ່ 386.194 ຄົນ, ຮອງ ລົງມາຄື ແອັດສະປາຍ 135.586 ຄົນ, ຝຣັ່ງຢູ່ທີ່ 109.069 ຄົນ, ເຢຍລະມັນຢູ່ທີ່ 106.504 ຄົນ ແລະ ສປ ຈີນ 81.540 ຄົນ ສ່ວນ ອິຕາລີເປັນປະເທດທີ່ມີຈຳນວນ ຜູ້ເສຍຊີວິດສູງສຸດໃນໂລກຢູ່ທີ່ 17.127 ຄົນ ຮອງລົງມາແມ່ນ ແອັດສະປາຍ 13.897 ຄົນ, ອາ ເມລິກາ 12.246 ຄົນ, ຝຣັ່ງ 10.328 ຄົນ, ອັງກິດ 6.159 ຄົນ, ອີຣານ 3.872 ຄົນ ແລະຈີີນ 3.331 ຄົນ.

ນີວຢອກຖືເປັນສູນກາງການແຜ່ລະບາດຂອງເຊື້ອໂຄວິດໃນອາເມລິກາ ໂດຍມີຈຳນວນຜູ້ຕິດເຊື້ອ ສູງສຸດໃນປະເທດຈຳນວນ 138.836 ຄົນ ຮອງລົງມາແມ່ນ ນີວເຈີຊີ, ມິຊິແກນ ແລະແຄລິຟໍເນຍ.

-------

ໜັງສືພິມເສດຖະກິດ-ສັງຄົມ

แชร์