ຜູ້ຈັດງານຄອມພິວເຕັກປະກາດເລື່ອນຈັດງານເປັນວັນທີ 28-30 ກັນຍາ ທີ່ຈະເຖິງນີ້

 ສະຖານະການຂອງໄວຣັດ ໂຄໂຣນາສາຍພັນໃໝ່ຖືວ່າເປັນອີກເຫດການທີ່ເຮັດໃຫ້ງານຕ່າງໆ ແລະກິດຈະກຳຕ່າງໆ ຕ້ອງມີການປ່ຽນແປງຄັ້ງໃຫຍ່ ແລະໜີບໍ່ພົ້ນ ກັບງານ Computex 2020 ທີ່ຈັດຂຶ້ນທີ່ໄທເປໄຕ້ຫວັນ ສປ ຈີນກໍ ເໝືອນກັນ.

 ຜູ້ຈັດງານໄດ້ສົ່ງຈົດໝາຍໃຫ້ກັບສື່ມວນຊົນທົ່ວໂລກໃຈຄວາມວ່າ” ຈາກການແຜ່ລະບາດຂອງ ໄວຣັດໂຄໂຣນາສາຍພັນໃໝ່ ຫຼື ໂຄວິດ-19  ທີ່ຫຼາຍເຖິງ  3  ແສນຄົນ ແລະກວ່າ 167 ປະເທດທົ່ວໂລກ ສົ່ງຜົນໃຫ້ທັງເສດຖະກິດ, ຕະຫຼາດຮຸ້ນການຄ້າຂາຍລວມທັງການ ທ່ອງທ່ຽວເພື່ອເປັນຄວາມປອດໄພ ສຳລັບຜູ້ຮ່ວມງານ ແລະຜູ້ຈັດໄດ້ ເລື່ອນການຈັດງານທັງໝົດລວມທັງ  InnoVEX  ຊຶ່ງເປັນງານຂອງ Starup ເຊັ່ນກັນ”.

ໃນປີນີ້ Computex 2020 ຍັງຄົງມີເຕັກໂນໂລຊີຕ່າງໆເຊັ່ນ: ການສື່ສານ 5ຈີ, ເຕັກໂນໂລຊີຮູບ ແບບກ່ຽວກັບການເຊື່ອມຕໍ່(Communication), Gamimg ແລະ Startup ເປັນຕົ້ນໂດຍງານຈະເລື່ອນຈາກເດີມ 2-6 ມິຖຸນາ ເປັນ 28-30 ກັນຍານີ້.

ຢ່າງໃດກໍຕາມເມື່ອເລື່ອນແບບນີ້ການເປີດໂຕຕ່າງໆກໍອາດຈະເກີດຂຶ້ນບົນໂລກອອນລາຍຄົງຕ້ອງລໍ ຕິດຕາມກັນຕໍ່ໄປວ່າ Computex2020 ຈະມີ Hilight ເດັ່ນແນວໃດໃນປີນີ້ ແລະຕ້ອງເລື່ອນອີກ ຫຼື ບໍ່ຫາກສະຖານະການຍັງເປັນແບບນີ້.

--------

ໜັງສືພິມເສດຖະກິດ-ສັງຄົມ

แชร์