ໄຟໄໝ້ອາຄານໃນຝຣັ່ງເສຍຊີວິດ 7 ຄົນ

ໜ່ວຍມອດໄຟໃນນະຄອນຫຼວງປາຣີສຂອງຝຣັ່ງລາຍງານໃນວັນ ທີ 5 ກຸມພາທີ່ຜ່ານມາວ່າ ໄດ້ເກີດເຫດໄຟໄໝ້ອາຄານໃນເຂດນະຄອນ ຫຼວງປາຣີສ ເຮັດໃຫ້ມີຜູ້ເສຍຊີວິດ 7 ຄົນ ແລະໄດ້ຮັບບາດເຈັບສາຫັດ 1 ຄົນ.

ຕາມຂ່າວຕ່າງປະເທດລາຍງານວ່າ ໃນວັນທີ 5 ກຸມພາຜ່ານມາ ໄດ້ເກີດເຫດໄຟໄໝ້ອາຄານແຫ່ງໜຶ່ງໃນເຂດນະຄອນຫຼວງປາຣີສຂອງຝຣັ່ງ ເຮັດໃຫ້ມີຜູ້ເສຍຊີວິດ 7 ຄົນ ແລະໄດ້ຮັບບາດເຈັບເລັກໜ້ອຍ 27 ຄົນ, ເຈັບສາຫັດ 1 ຄົນ ເຈົ້າໜ້າທີ່ໜ່ວຍມອດໄຟເປີດເຜີຍວ່າ ຍອດຜູ້ເສຍຊີວິດ ແລະບາດເຈັບອາດຈະເພີ່ມຂຶ້ນຕື່ມອີກ ເນື່ອງຈາກໄຟໄດ້ລຸກໄໝ້ໄປຍັງຊັ້ນ 7 ແລະຊັ້ນ 8 ຂອງອາຄານສູງ 8 ຊັ້ນ ເຈົ້າໜ້າທີ່ກຳລັງລະດົມຄົນໃຫ້ ຄວາມຊ່ວຍເຫຼືອປະຊາຊົນ ລວມທັງຜູ້ທີ່ຫຼີກໜີແປວໄຟຂຶ້ນໄປຢູ່ຫຼັງຄາອາ ຄານໃກ້ຄຽງ ແລະມີການລາຍງານການອົບພະຍົບປະຊາຊົນອອກຈາກ ອາຄານໃກ້ຄຽງອີກດ້ວຍ.

ຢ່າງໃດກໍຕາມ ສ່ວນສາເຫດຂອງໄຟໄໝ້ໃນຄັ້ງນີ້ ເຈົ້າໜ້າທີ່ກ່ຽວ ຂ້ອງພວມລົງສຳຫຼວດເພື່ອເກັບຫາຂໍ້ມູນທີ່ພາໃຫ້ເກີດເຫດການໄຟໄໝ້ ໃນຄັ້ງນີ້ຢ່າງຮີບດ່ວນ.

• 06/02/2019